Mateyu 22:21 - Kogi

²¹ Guake akiyayó: —Ejiéki sáñkalda akldé akzé Aldumaxa zaldatshi nakldá. Guake Duweja ekí kakbeyá: —Ake, sáñkalda Aldumaxa zaldatshi nake agexal minokldék. Ekibeñga na, Saldiñga netshi Jateke ji agegakue miñgatsahamak miyagexaldí.

Mateyu 22:21 ပူးပေါင်းရင်းမြစ်များ

Mateyu 22:20

ekí kaklduká: —¿Jeñkáñ metshi waxa shi axaldí mitú? ¿Metshi axezhuka jai aksezheklde shi mitú?

Mateyu 22:37

Guake Duweja Jatetshi múldigabak sezhekldamak ekí akiyó: —“Maiñ Saldiñga netshi Sáñkalda, Mimijatega, e za miñgatsauxa izhgajañgui na, miñnegauxa, mijañguauxa, e za mizhgajañgualdí.”

Mateyu 4:10

Guake Duweja jisék akiyó: —Nagajuezha guaté maldokldék. Jinak ekí mixaldekldaka naldakí. Jatetshi múldigabak ekí sezheklde: “Saldiñga netshi Sáñkalda, Mimijate za na akldé akzamakga akzukui, e za axazauwi miñgualdí.”

Malku 12:17

Guake Duweja ekí kakbeyá: —Ake, sáñkalda Aldumaxa zaldatshi nake agexal minokldék. Ekibeñga na, Saldiñga netshi Jateke ji agegakue miñgatsahamak miyagexaldí. Ekí kakiyokuatshakna, “¡sakí ekí jañguanega yokuxá!” na ajañguá.

Alduka 20:25

Guake Duweja ekí kakbeyá: —Ake, sáñkalda Aldumaxa zaldatshi nake agexal minokldék. Ekibeñga na, Saldiñga netshi Jateke ji agegakue miñgatsahamak miyagexaldí.

Alduka 23:2

Exa awaldeyatshaga ekí izhakuashi akuaxaldá: —Jejié sigíjañki nauwijí kuíbuldu maiñ minazʉñsanekakue miñguabiji, kaumiñshishaldiamak katshishi ni guaté katú. Ekí atshiji na, Aldumaxa zalda sáñkalda akldé akzék akilzabiyasʉ́ñze ni zʉñsanék. Ne aldéñga na, Jateja ezua zʉnekualdal zʉñgakaxaldixaki, sáñkalda akzé iyaldaxaldixa guakldane, “nasga na ai nakú” negaté ni katú.

Ajanashatone 4:19

Ekí kaxaldegatshak, Péguldu, Juañ na ekí ayó: —Saldiñga netshi Jatejañki mielde atshakuamak ne tuñka muldetua jañgua guwíñ. ¿Maiñ za amak miñkatshiji na, aldéñ niñkauwañki amak axatshañkaldáaldixa shi naldakualdixa na?

Ajanashatone 5:29

Guake Pégulduja, aldéñ janañga Duweja gaxanekue na ekí ayó: —Nasʉñki Saldiñga netshi Jateja guana axatshakue zʉñmeyamak akldé giemiki atshakue zʉñgatsaldashá. Ne kágubaja nuxa atshakue zʉñmeñkáki aguañga atshakue zʉñgatsaldashá.

Aldumaxa 13:7

Akze, mieldekueki sakí kaxatshakue miñgatsahake amak miyaxatshaldí. Akna sáñkaldakueki kauwijí jiba shalda azhi jigaba shalda akilzabiyakue miñgabeyaldiake, amak kakilzabiyakue. Azhi ezuakueki axabeti mual kaxatshakue miñgatsaldaldiák, amak miyaxabetaldí. Ekíga na, ezuakueki akzé kajañguakue miñgatsaldaldiake, amak akzé mijañgualdí.