Mateyu 14:27 - Kogi

²⁷ Guakna ubañga Duweja ekí zʉñkaldék: —¡Señgaba miñzegwíñ! Nasga na nakú. ¡Zhe miñzegagába!

Mateyu 14:27 ပူးပေါင်းရင်းမြစ်များ

Mateyu 14:28

Ekí nukajakna Péguldujañki ekí axaldék: —Duwe, ake, ma maldahamak nake, nas jiaga niwa bakaldak ga kasam mixaldeyaldikuamak niuwi nagé guwá.

Mateyu 17:7

Duweja ekí katuakna kaxaldaxeni, kaugikepañgui ekí kakbeyá: —Jeñ izhgaté guwíñ. Zhe miñzegagába.

Mateyu 28:10

Guakna Duweja: —Zhe miñzegagába. Maiñki nagapa neñkakue, nakaja giemi nekldekuek ekí kakbeyal mineyaldí. Galdildeya baxe aldé ni gualdí. Exa nawatualdixa niyó —ekí na kakbeyá.

Mateyu 28:5

Guatshak munzhikueki Jatetshi guaklde uldeñkaja ekí kakbeyá: —Zhe miñzegagába. Maiñki Duwe Jesú kaldixa axaldiya akuaxane niyabinuka minakué.

Mateyu 9:2

Exaki ezua sigí abuá axazauwaksánane ixabakak akshañga apebukueja Duwek akualdák. Ekueja Duwejañki se akzukualdixa alduna iyashiji akualdaklde katuakna, abuá axazauwaksánanek ekí akbeyá: —Nasukuá, zeñ itshanwá. Sha matshixa nuk mixabetá ni gukú.

Malku 6:50

Jinake ekí axauldazhá. Ezua nagaté atuatshak she she she kakzexák. Guakna ubañga Duweja ekí kaxaldék: —¡Señgaba miñzegwíñ! Nasga na nakú. ¡Zhe miñzegagába!

Alduka 1:13

Guakna guaklde uldeñkaja ekí akbeyá: —Zhe mikzegagába. Saldiñga netshi Jatejañki agakuañnekbaldamak maldukanéñ zhinik na, misewá Isabélki somá sigí sukue axaldexaldixa. Eñki Juañ axamizhaxaldixa.

Alduka 1:30

guñguake Jateja guaklde uldeñkaja ekí akbeyá: —Munzhi, Jateja atemajañ guañ majañguane nogéñ zhe mikzegagába nogwá.

Alduka 12:32

”Maiñ shi minagitixakuañ anuñkabé minaldatshak jiaga, zhe miñzegagába. Jinake naldakí. Saldiñga netshi Jate, Mimijatega akldunamak, aldéñ na misanexaldixa mimajañguane nak.

Alduka 2:10

guaklde uldeñkaja ekí kakbeyá: “Zhe miñzegagába nogwíñ. Janshizhe zeklde miñmeyal naklduge, saldiñga káguba minauxa ai minukatshak atemajañ zeñ miñnexaldixa nakldá.

Alduka 5:10

E na jibatshixakueki Zebedeyutshi asukuákue Santiaku, Juañ naldekueja jiaga ekíga kakldék. Guñguake Duweja Simóñ Pégulduk ekí akbeyá: —Zhe mikzegagába. Mañki pikáu niji za mizhuka ne, kaiga zhiniki káguba nagapa aldeyaldixakue maldiyapanaldixa nakldá.

Juañ 16:33

”Ekí miñmeyaldatshake, nasldi mizhogéñ zhinik auxaga aldunaxa señgabá miñzexaldiamak na ekí miñmeñkú. Jai kagik sha ajanashéñ izhoxalga minoxaldieñgaki guiyaba tualga minoxaldixa. Naldatshak naski kagik sha atsha na nahauxak agubiyá guanuge nak, zhe zhikzukuagába alduna nazishalga za minoxaldí.

Juañ 6:20

Guñguake ekí zʉñkaldék: —Nasga na nakú. ¡Zhe miñzegagába nogwíñ!

Ajanashatone 23:11

Ekí zegueni siañki nauwijí Sáñkalda Duwe Jesúja Pábuldu akizhañkañgueni ekí akbeyá: “Abá naldakí, zhe mikzegazháldi. Jai Jeldusaldéñ sakí nashaldá guakbaldamakga, kuíbuldu Aldumaxa jiaga ekíga guagakue migatsaldaldixa nakldá.”