Malku 7:34 - Kogi

³⁴ Gueniki mateldi stuaté noshi, atemajañ jubí akzeshi, ekí axaldék: —¡Epata! Ekí guagatshake “makpezha guwá” guashi.

Malku 7:34 ပူးပေါင်းရင်းမြစ်များ

Malku 1:41

Guake Duweja guañ jañgui na, káuxalda ipañgui ekí akbeyá: —Janshi mixazgundana nzhakzék. Akna, ¡kaigaga janshi migatsék shi gui!

Malku 15:34

Atshakna, Duweja jaldáñ ekí guak: —“Eldói, Eldói, ¿lama sabaktani?” Ekí guagatshake ekí guashi: “Najate, Najate, ¿jinak shi nahezua nabajá makú?”

Malku 5:41

Eniñga na, Duweja kumí shuane káuxaldak akpañguenik ekí akbeyá: —Taldita, kum. Ekí guagatshake ekí guashi: “Munzhi zhauwa, izhgaté guwá ni mikbeñkú.”

Malku 6:41

Guñguake Duweja jatshiwa pañ, mozhua pikáu nalgué zhiksuigueniki mateldi stuaté noshi, Jatek ai shalda “zeñ nzhakldék” akbeyá. Ekí akbeñguenik pañ zhikwatiyatshak matshuwi zhikldekshi aldéñ shaxaldixakueja kágubakuek kakauwaxañ kagé. Ekíga na, pikáu mozhua nalgué zhikldeklde saldiñgaja galdiamak kakauwaxañ kageguake

Malku 7:35

Ekí akbeyatshaga na, kuxa magakpezhi zukaldá. Juáñgalda muldetua wi wi axatshiji, janshagatsaldi zukuaxaldá.

Malku 8:12

Ekí agabeyatshakna Duweki atemajañ jubí akzék gui na ekí guak: —¿Jinak kaiga zhekualdabinukakue Jateja kagik nakaxanamak ne mimatuñshaldikuamake, mokue ezua janshizhe ajanashaté tu guabínamak atshakue minakshishixá? Namak miñmeyaldikue. Ekí minakshishatshak jiaga, amak mimatuñshi miñkatshazháldikue nzha.

Alduka 18:42

Guake Duweja akbeyá: —Ake, señ stuwá. Mañki “uba nazikukshaka shakldá” najañgui, alduna nazishamaldéñ zhinik na uba mikuká ni gu.

Alduka 19:41

Guñgueni naki Jeldusaldéñ neji kuíbuldu tuatshakna, Duweja ai zaldakue shalda kebauwi

Alduka 7:14

Ekí akbeñgueniki shuane iyashane awaldeyatogué kaugipañguatshake awaldeyatoguekueja awaldeyaksá guñguake, Duweja ekí axaldék: —Nasukuá, izhgate guwá ni mikbeñkú.

Juañ 11:33

Akbeyatshak Duweja Maldiya mauwaté tuwi, juldiú agapa nakldekue jiaga abauwaté tuatshakna, aldéñ jiaga aldunaldi guañ akldeshi, zʉxaita itshaniñga

Juañ 11:35

Guatshakna Duwe jiaga mauwá.

Juañ 11:38

Guatshakna Duwe mokue aldunaldi zʉxaita guañ akldeshi, Aldásaldu abexaneñka ne. Eñkaki jakataga naldatshak julduneñki jagiga agayone na naldá.

Juañ 11:41

Guñguake jagi amak axajuekuñguake, Duwe mateldi zʉtuaté noshi Jatek ekí akbeyá: —Najate, naldukamalde shalda zeñ nzhakldék.

Juañ 11:43

Ekí akbeñgueniki jaldáñ kauldá: —¡Aldásaldu, jexa akzʉxaita guwá!

Juañ 17:1

Duwe Jesúja ekí zʉñmeyatogueniki jékaldeldi zʉtuaté noshi ekí Jatek akbeyá: “Najate, kaiga zʉnake atshál naklduge niuwi naxakldañká. Guakna Misukuá akldé nakzé nawatuñshabikuká ni gu. Ekíki akldé mikzé mawatuñshaldikuamak.

Ajanashatone 9:34

Guake Pégulduja ekí akbeyá: “Gaja, kaigaga Duwe Jesúja janshi mikzukualdá na gu. Akna izhgate xaldeki mixábakaki mañguá guwá.” Akbeyatshaga nuxa na, amak izhgaté.

Ajanashatone 9:40

Guake Pégulduja eni zhinik nuk akzʉxaitakue kakbeñgueniki nuldu yo, Jateja shuane izhgaldakshaldiamak akshishá. Gueni munzhi shuane tuaté noshi ekí axaldék: “Tabita, izhgate guwá.” Ekí axaldegatshakna señ stuwi, Péguldu tuatshake iyaté.

Ebeldeyu 4:15

Akze, Jatek múldigaba zʉñkagaskaitshixa akaldak akzé zʉñkizhukaki nasʉñ miyaki kama zʉñsʉ́ñze akuéñ zhinik na, agajieni guañ zʉnajañguaka. Akbiñgaki nasʉñ sakígaba sha atshindana zʉñzekája zʉñsanegauxañga aldéñ jiaga ekíga tu guane nak. Ekí tuatshak ni mitsák aldéñki sha atshazháne.