Auxa zexaldixa 5:9 - Kogi9 Gueni abisa zubeya Jubeju zhauwak ekí axazabeyaldá: “Ma za na jalde kalta ishkatsuñguane ipana xaldeki ishkawatiya niuwi mixaldé. Jinak niuwi mixaldé naldakí. Mañki makuagatshak mijí abi mikzuldatshakna, saldiñga kuíbuldu zaldakue, saldiñga sanákue, saldiñga sha sha zukuaxa saná na nahauxa nekue zhinik Jatetshi aldaldaldiamak kesabímalde nak. အခန်းကိုကြည့်ပါ။ |
”Akna maiñ Duwe ipanane miyaksanekakuañ Duwe Jesú shalda shitiyamine namak jañgui, amak axatshiji numañ atuál minoxaldí. Ekíga na, Jatetshi Aldunajañga mielde Duwe ipananekue numañ mitualdixa mimetenekuañ numañ mitualdí. Jubeju numañ tuñkaja ají jubejukue numañ tuamak, Duwe ipanane Jatetshi nekldekue muldetua numañ mitualdí. Akze, Duwe Jesú shuigatshak abi akzuldanéñ zhinik na ají giemikue kaldekshi, kekuá guane.
Naldatshak ekí mimatualdiamake, abá naldakí Duwe Jesú minkuanamak alduna ishál za nogakue. Akze, ni nauwa ijuldú naldakí, aldéñ za agapa neyal noshi na, aldéñ ipanañkaldekuañki niuwizhíne janshizhe zʉñkatshaldixa zʉñmenane “amak naxatshaldixaga shakldá” jañgui, jiaktuakue. Guatshak Duwe Jesú zʉnekuane shalda múldigaba nukaminega na káguba zhekuauxa kagabeyaldá na gu. Aiga na nas jiaga Jate axazauwi guakuge nakldá.
Guatshak mauzeñga Jatetshi kuíbuldu zaldakuega na, ezuakueki naldagálde nuxa “Jatetshi múldigaba naldiñga zʉxaitshikuge nakldá” nekakue ashekuanamak, mimikenañga ezuakueki naldagálde shizhaldixakue ashekualdaldixa. Ekuejañki ni me akldegakí noxaldieñga naldagálde nuxa shizhiji na, mieldeki namak kajañgushaldiák aldunaldi kaldusakualdixa. Ekí shizhaldijiñga na, Saldiñga netshi Sáñkalda Duwe Jesú kauwizhéñ sha ajanashane kesabiyaldiamak shuane jiaga, naldagálde nuxa ne akuaxaldixa nakna, kauwizhéñga kagatsé Jateja axañga guiyaba katuñshakue axakezhaxaldixa.
Ekí ne, Jateki muñshí zalda nahamakga nasʉñ jiaga jian negaba atshiji, aldunaxa muñshí zʉnzeklde e na muldetua ishkaldaldi izhogakualdiakna, Asukuá Duwe Jesú ipanáñkaldegaba jiaga muldetua ishkaldaldi kizhuka naldakualdixa. Ekí kizhogatshakna, Duweki nauwitsaldí shuigatshak abi akzuldi sha katshixa nuk zʉnesabinéñ zhinik na aldunaxa zʉnejizhalga noxaldixa.
axazabeyaldá. Ai zubeyaki Jate axazauñka nauwibama Mueséja axazubeñka nanamak Jubeju zhauwa shaldaga Jate ekí axazabeyá: “Saldiñga netshi Jatek, Sáñkalda auxaga kama mixaldé, saldiñga miksuikuegaba ni maldá. ‘¡Sakí ekí matshixá!’ zʉñnekshindana agatsaldiñgaba za jika atemajañ matshixagaba matiuwi. Saldiñga sanákue aksaneshiñga za maksanegataná. Ma matshixaki namaklde atshakuamak za matshixa matiuwi.
“Nauwijate, nauwijí Sáñkalda maldé, ma za ekí mikbeyakue ze: ¡Ma na akaldak akaldak mikzé nibaldá, Ma za akaldak mikzahamak mixabeta ipanamildaka nibaldá, Ma za saldiñga jika na nahauxa maksaneka nibaldá! Jinake naldakí. Ma za saldiñga jika na nahauxa gaumalde, Ma majañguamak za jika gaumaldekueki amak naldal za nogatuka nak.”
ekí jaldáñ azabeyaté nuká: “Jubeju zhauwa Jatek maxakuaxanane maldé, ma za ekí mikbeyakue ze: ¡Ma na saldiñga jika na nahauxa maksaneka nibaldá, Ma za kabia ldexa na nahauxa miksuikue nibaldá, Ma za auxaga mishkué maldé nibaldá, Ma za auxaga kama mixaldé nibaldá, Ma za akaldak mikzahamak mixabeta ipanamildaka nibaldá, Ma za akaldak akaldak mikzé nibaldá, Ma za saldiñga zeñ zalda mikbeya ipanamildaka nibaldá!”