Alduka 23:2 - Kogi

² Exa awaldeyatshaga ekí izhakuashi akuaxaldá: —Jejié sigíjañki nauwijí kuíbuldu maiñ minazʉñsanekakue miñguabiji, kaumiñshishaldiamak katshishi ni guaté katú. Ekí atshiji na, Aldumaxa zalda sáñkalda akldé akzék akilzabiyasʉ́ñze ni zʉñsanék. Ne aldéñga na, Jateja ezua zʉnekualdal zʉñgakaxaldixaki, sáñkalda akzé iyaldaxaldixa guakldane, “nasga na ai nakú” negaté ni katú.

Alduka 23:2 ပူးပေါင်းရင်းမြစ်များ

Mateyu 17:27

Naldatshak nusá kakzukui guanazʉñnegak ekí atshiwá: Ilzabiyexañ paldata zʉñkaldaldaldiamak niwaxa maldeyaldí. Exaki pikáu makuxaldiamak antiuwizhu maguteyaldinik kasak makugatshak, ají kaxakga ezua paldata matualdixa. Aiki nas, ma na auxaga ilzabi guashi nakna, eñka mauldeyaldiniki kakzabi makualdí.

Mateyu 22:21

Guake akiyayó: —Ejiéki sáñkalda akldé akzé Aldumaxa zaldatshi nakldá. Guake Duweja ekí kakbeyá: —Ake, sáñkalda Aldumaxa zaldatshi nake agexal minokldék. Ekibeñga na, Saldiñga netshi Jateke ji agegakue miñgatsahamak miyagexaldí.

Mateyu 27:11

Ekí zegatogueñga na, Duwe Jesú sáñkalda Pildatuk akualdeyake ekí aklduká: —Guake, ¿ma shi juldiútshi sáñkalda akldé mikzé maldá? Guake akiyó: —Mañga ai naugé nakuák guashibaldá.

Malku 12:17

Guake Duweja ekí kakbeyá: —Ake, sáñkalda Aldumaxa zaldatshi nake agexal minokldék. Ekibeñga na, Saldiñga netshi Jateke ji agegakue miñgatsahamak miyagexaldí. Ekí kakiyokuatshakna, “¡sakí ekí jañguanega yokuxá!” na ajañguá.

Malku 15:2

Ekí akualdeyake, Pildatuja Duwek ekí aklduká: —Guake, ¿ma shi juldiútshi sáñkalda akldé mikzé maldá? Guake akiyó: —Mañga ai naugé nakuák guashibaldá.

Alduka 23:14

ekí kakbeyá: —Maiñki jejié sigíjañki kabiñsanekakue kauzʉñshishaldiamak kágubakue katshishixa nakizhguashi na, ai shalda agatsaldi ne tualdikuamak nakuldakbine. Naldatshak, naski maiñ natuabinogéñ, nakizhguakbinamak akzʉzukaldatshak jiaga, ni ji agatsaldazhéga tu guashakú.

Alduka 23:5

Ekí kakbeyatshak míñgaki abá naldakí ekí agabeyaldá: —Jejiéjañki Galdildeyaxa zaldakue misha sáñkaldakue aguabishaldiamak, kaxa zukui shi kaxaldiyapaneni, kaigaki jai Juldeya baxe nahauxa ekíga shizhiyashá.

Juañ 18:29

Guñguake ai sáñkalda Pildatu akzʉxaitiñguenik ekí kakzʉzuká: —Naldé, jalde sigíki ¿ji shaldaga agatsé tuwi zhinik shi minakizhañkashí?

Juañ 18:30

Guake ekí akiyayó: —Jejié shane naldazhé guashiñki, míge guazhá guatañkaldaldé naldashá.

Juañ 19:12

Atshak zhinik na, Pildatujañki Duwe miya zhiniki iyakbe gualdiamak niyatshak jiaga, juldiú sanekakuejañki axauldi ekí akuák: —¡Ejié iyakbe makualdiák guashiñki, Aldumatshi sáñkalda akldé akzetshi apebu naldabálde naldiñga ekí matshaldixa nzha! Akze, mieldeki “sáñkalda nakzé nzhakú” negatshake, sáñkalda akldé akzé aguldiñka naldashá.

Ajanashatone 24:13

Akna ekí nezhakuaklde ni jiñ zhinik nagatsé ne matuñsha kakzegazháka nakldá.

Ajanashatone 24:5

”Jejié sigíki kaxa zukuxa tuñkalde. Ekí izhoshi na, nauwisanákue kagik zhekuauxa axabizhatshak kauwizhéñgaba kaxaukshishi mishka. Ekíga na, ezua sigí Jesú Nasaldéxa zalda nanek agapa neñkakue kaksaneka.

Aldumaxa 13:7

Akze, mieldekueki sakí kaxatshakue miñgatsahake amak miyaxatshaldí. Akna sáñkaldakueki kauwijí jiba shalda azhi jigaba shalda akilzabiyakue miñgabeyaldiake, amak kakilzabiyakue. Azhi ezuakueki axabeti mual kaxatshakue miñgatsaldaldiák, amak miyaxabetaldí. Ekíga na, ezuakueki akzé kajañguakue miñgatsaldaldiake, amak akzé mijañgualdí.