Alduka 11:45 - Kogi

⁴⁵ Ekí nukatshakna, ezua asanátshi guiyaba muldetua akuéja akiyó: —Duwe, ekí makuagatshake, nasʉñ jiaga sha zʉñkaldeshi guashibaldá.

Alduka 11:45 ပူးပေါင်းရင်းမြစ်များ

Mateyu 22:35

Gueni aikuega na, ezuañki guiyaba muldetua shitiyá guaneja Duwe guajaldiamak akldeshi ekí aklduká:

Alduka 11:46

Guñguake Duweja akiyó: —Wau wau wau maiñ guiyaba shi mizhixakuek ¡sakí guiyaba mitualdixa ne! Jinake naldakí. Maiñki guiyaba zʉñkabajaneja guagauxabé shizhiyagábaki, zʉxaita amak ajanashaksá zalda shizhiji na, axautshikue amak ashekualdaldiamak nauwa nuxaki kagaunexabíne. Aiki jika juat guasá akzé ezuaja uldeyaldiamak mikauwatshak, ni nauwa ai uldeji agaunexabíne jana miyatshixa ni miná.

Alduka 11:52

”Wau wau wau maiñ guiyaba shi mizhixakue ¡sakí guiyaba mitualdixa ne! Jinake naldakí. Maiñ Saldiñga netshi Jate “me ne” miñkué naldatshak, axautshikueja akualdazháldiamak miyagitamakuxa. Ekí atshiji na, Jate nugeñka mijuldunaldiamak yabi miñkaldé ne jiaga, maiñga juldunabíne, ni axautshikue juldunaldiamak akpexabíne jana miyatshixa nibiná.

Alduka 7:30

Naldatshak paldiseyukue, kauwisanátshi guiyaba shizhixakueja zʉnake Jateja sakí axatshakue kajañguxa iyapanazhá guanane. Akna Juañja nik kajaukshakue izhajanazhá guanane.

Juañ 7:48

¿Azhi sáñkaldakuek jiaga ezuake “e namak nzha” jañguá neká maldúk? Azhi ¿ezua paldiseyukuañ shi ekí kajañgú?

Juañ 7:7

Maiñki káguba sha atshixa jai kagik zhekuekuek aguldiyazháminaka. Akze, naski ekuek aguldiñkuge. Jinake naldakí. Kutám ajanashixá katuñgamak kakbeñkugé shalda.

Juañ 9:40

Guñguake exa anuñka paldiseyukue ekí aldukatoguekueja ekí agalduká: —Guake, ¿nasʉñ jiaga uba zʉnsʉ́ñzekue janañga kaldé zʉñmeji nukabaldá?