Alduka 1:79 - Kogi

⁷⁹ E zʉñgakagakíñgaki, sha katshixaga tuañ zʉñzukuane nak shuixaki zhe zʉñzukuxa. Ne ai Zʉnekualkaki aldunaxa mu zʉñzekui guxá jana zʉñzukuatshakna, Jate na señgaba zhe noxa shi zʉñkaldiyaldixa nzha.” Ekí na guakshá.

Alduka 1:79 ပူးပေါင်းရင်းမြစ်များ

Mateyu 4:16

Exa zhekuekueki sha atshiji na, Saldiñga netshi Jate izhuka aksʉ́ñzekue ne, E shalda namaklde aldukapanaldixa. Ekí tuañ itsekldekue izhogakna aldunaldiñki shuanekue jana ne. Guanaldixa Jate shalda kakwashegatshak, niuwi nañkatshak muñshí stuamakbé kestuwi jana, Aldéñ ‘me ne’ muldetua atualdixa nakldá.”

Alduka 2:32

Ejañki saldiñga saná nahauxa namak majañguazhéñ zhinik aldunaldi tuañ ketsekldekuek, me maldé katuñshi, mu kagisekualdixa. Eja na, mijí kuíbuldu Isayél akldé zʉñzé zʉnakuakshaldixa nakldá.”

Juañ 1:9

Akze, muñshí zalda namaklde nahamakga saldiñga kágubak muñshí zʉnzukuxaki jai kagik katshekuekuek tuakualdiamake naki zʉñkizhañkaji me na guatoxá.

Juañ 12:46

Nas na muñshí zalda naugák kagik zhekuauxa muñshí kezgualdikuamak naklduge. Ekíki mielde namak najañgui nazipana guanekueki tuañ zaldiñga abaji guakuak.

Juañ 8:12

Guñgueni Duwe Jesúja kágubakue ekí mokue kakbeyaldá: —Nas na muñshí zalda kagik mizhekuauxa muñshí minzukualdikue naugé. Akna mieldeke nepanamine nagapa mineñkake, akldé tuañ zaldi neyabináldixa. Nas auxabé muñshí minzukuapananuge mimezhokshaldikue nzha.

Juañ 9:5

Guatshak kagik izhoxalga nokugeñgaki, nas na muñshí zalda naugakna kagik mizhekuekue muldetua muñshí minzukuge nakldakú.

Ajanashatone 10:36

Akze, Saldiñga netshi Jateja nasaná Isayélkue ji mu zʉñgisekuanane miñkué. Aiki Asukuá Duwe Jesú zʉnekuanéñ zhinik na, aldéñ na mokue ishkaldaldakuamak zʉnezhokshixa zʉñmenane. Ai Asukuáki Saldiñga netshi Sáñkalda izhogakna, saldiñga saná na nahauxa kaksaneshi izhuka nakldá.

Ajanashatone 26:18

Mañki namaklde shi kaxaldiji na, aldunaxa uba kekukshi, tuañ zaldi neyatonaldixakue kakualdikshiji, muñshí zeñ kezhañgashiji kabaxatshaldixa. Ekíga na, jiséja akldé ají kamak kaksanegazháldiamak kagajuekui, Saldiñga netshi Jateja niñkauwañki kaksanexaldiamak kabagaunexaldixa. Ekíki namak najañgui, alduna naziyashaldiák, Najatejañki sha ajanashixa kaxabeti na, ají giemikue kaldekshi, kepanaldixa nakldá.”

Aldumaxa 3:17

‘Sakíga ni axautshikue na señgaba zhe noxa na’ kaksʉ́ñzekue.”

Epesuxa 5:8

Akze, axañki maiñ jiaga aldunaxa tuañ minzekldekue za namine ne, kaiga zʉnake nauwijí Sáñkalda Duwe Jesú ipanaminéñ zhinik na, aldunaxa muñshí minzukuane mizhekue. Akna, muñshí minasekuanekueki mitsabé izhogakue nake, auxabé mizhekualdaldí.