Ajanashatone 9:4 - Kogi

⁴ Guatshaga na, kagixa akjienatshake ekí múldigaba agabeyaté nuká: —Sauldu, Sauldu, ¿jinak shi sha nakuí, guiyaba maldatuñshí?

Ajanashatone 9:4 ပူးပေါင်းရင်းမြစ်များ

Mateyu 25:40

”Ekí nagabeyatshakna, nas saldiñga aksanekugek ekí kakiyokualdikue: ‘Namak miñmeyaldikue. Mitsakgaba ezua nají nekldekue ai itsaldagálde axajankakue janshizhe miyaxatshatshakna, nasga naxatshamine nakldá.’

Alduka 10:41

Guñguake Duweja: —Nabunzhi, mañki agubisha jika za ijaniñgaba, itshaniñgaba izhogashibaldá.

Juañ 18:6

Ekí akldoxekueki Duweja “nas na ai naldiñga nakú” guagatshakna, kutámga uñguexagaba na kapená.

Juañ 20:16

Akbeyatshakna Duwejañki: —Nabunzhi, Maldiya. Axaldeguake tualdiamak izhbateguenik ebeldeyuk ekí axaldék: —¡Aldabuní! Guagatshake “shi maldaxaldixá” guashi.

Juañ 21:15

Guñgueni auxa katsatshake, Duweja Simóñ Péguldu ahezua ekí aklduká: —Nasukuá Simóñ, Juañ tsukua, ¿jaldekue zhakaldak shi maldezhgajañgú? Guñguake akiyó: —Akzé. Nají Sáñkalda, majañguge ne mikualdiñga nogashá. Guñguake Duweja ekí akbeyá: —Ake, nagapa neñkakue nají jubeju zhauwa jana nekueki numañ nagatuwi makualdí.

Ajanashatone 5:10

Ekí akbeyatshaga na, munzhi jiaga Péguldu stak shuanega pená. Gueni nakuakue ajuldunatshake shuanega atuwakna, ají abuá jiaga awaldeñgueni asewá kagi iyashané tezhak kagi iyashá.

Ajanashatone 9:5

Guake ekí aklduká: —Nají Sáñkalda, ¿me shi maldá? Guake akiyó: —Naski Jesú na nakú. Nasga guana sha nakuí, guiyaba natuñshabaldogashá.

Aldumaxa 11:22

Guatshak Saldiñga netshi Jateki juañ zaldaba atshixa ne, kaxañ jiaga atshixa miñkualdakue. Ekí ne nakna, nasaná juldiúkue aldéñ akiyajuldunguéñ zhinik na kaxañ kakuane. Ekí ne, maiñ axautshi sanákuek niñkauwañki aldéñga juañ zaldaba miñkatshixaki akzé jañgualga minoxaldiák, amak miñkatshaldixaga. Ne alduna ishabiñsá miñgualdiák zʉnake, maiñ jiaga agajué mimezhokshaldixa.

1 Kuldintuxa 12:12

Guatshak nauwijí abuáke matshuwi zʉñkazauñkakue káuxalda, kasa, uba zʉñkaldaldatshak jiaga, askuí abuátshiga nuxa ekí zʉñkaldé. Ekibeñga na, saldiñga Duwe Jesú ipanañkaldéñ zhinik na askuí abuá me, Duwetshi kaldé nzha.

1 Kuldintuxa 4:7

Ne ¿me minakshi shi miñkaldixakue mieldeki akldé akzé tuminaka mitshán? Akze, Jateja za muldetua jika mimajañgushixa, mimatshishixa naldashá. Ekí Jatejañgaba mimatshishixa ne, ¿jinak shi maiñgaba saldiñga atshaminaka jana sekuamizhikshí?

Epesuxa 5:30

Jinake naldakí. Nasʉñki ají abuá kaldé nak.