Ajanashatone 7:36 - Kogi

³⁶ Guakna nauwibamaja asanákue Ejiptuxa zhinik kakzʉxaitshá. Exaga na, kágubaja ajanashaté atú guazhámak matshuwi atshá. Eñka zhinik kauldeyatoguéñ Níbuni Atsʉshi axezhogeñka ekíga janshizhe atshá. Guñgueni zʉk zeñka 40 kagi kauldeyatoguéñ ekíga atshá. Ekí atshiji na, Jatejañga ají kamak nuxa ekí atshishixá atuñshá.

Ajanashatone 7:36 ပူးပေါင်းရင်းမြစ်များ

Juañ 4:48

Akbeyakna Duweja ekí akbeyá: —Maiñki me naugé mimatuñshaldikuamake, atemajañ ajanashaté atú guazhámak atshaté minatuatshak za na “namak nzha” minajañgualdixa tubaldá.

Ajanashatone 13:18

Ekí kakzʉxaitshiñguenik zʉk zaldi 40 kagi kauldeyatoguéñ, nauwibamakueki Jatek akldunasʉ́ñ axajanashiji ashekualdatogatshak jiaga, aldéñki abeti, numañ katualga none.

Ajanashatone 7:42

Ekí ajanashiñguakna, Saldiñga netshi Jateja zʉnake akldunazháldi, kagajuezhá. Guakna alnobaxa zaldakue, niuwi, saxa, zumeya za akldé akzé ajañgui, aikue za akldé agazukualdiamak kebesá. Ekí zekldaneki Jatejañga ají múldigaba naldiñga zʉxaitshixak kalta ekí gaushanamakga zek: “Maiñ Isayél shtukuakue, zʉk zeñka 40 kagi zhekualdabinoguéñ, ezua akldé miyakzukualdiamak jika jika agexalga, jika jika agakuaxalga atshabinogatshak, ¿nas shi ekí nakuatomine mitshán?

Ebeldeyu 3:8

mimibamakue zʉk zaldi azaxaitatoguéñ Jate amak axajanashasʉ́ñ kakzeshi, ‘¿mitsá abetaka sha?’ akuajanamakga, aldunaxa kuamaldekbine naldagába.”

Ebeldeyu 3:9

Akze, Jateja ekí guaklde: “Mimibamakueki exa 40 kagi jika atuazhámak kaxatshaté nawatuatshak jiaga, mitsá abetanaka nawatualdiamak nakuajatone.

Ebeldeyu 8:9

Aiki mauzeñga mimibamakue Ejiptuxa guiyaba atuwi ashekualgueñka zhinik nasga numañ katuwi kakzʉxaitshaldatshak, kauwizhéñ na ishkualdi izhoxa kakbenugamakga naldazháldixa. Akze, atshak kauwizhéñki ekí kakbenugamak naxajanashál za aldogazhá akuñgué shalda na, naski kabajá guanuge,’ Saldiñga netshi Sáñkaldak ni ekí guakú.