Ajanashatone 2:30 - Kogi

³⁰ Guatshak Dabíki Jatetshi múldigaba naldiñga zʉxaitshixa nalguakna, ezua zʉnekualdal naxaldixaja guaxaldixaga guashi ekí kalta gauwanane. Akze, Jateja ekí axakildashiñga akbene nauwibamaja akualdiñga none: ‘Nas ezua mitukua ma najíkue kaksanekbaldamak kaksanexaldixa izhaxaldikue niyó.’

Ajanashatone 2:30 ပူးပေါင်းရင်းမြစ်များ

Mateyu 22:43

Guake ekí kakbeyá: —Eñki atukua nuxa nake, ¿sakí shi nauwibamaja Jatetshi Aldunajañga aksanegatshak, ai káguba ikualdal gaxaldixaga “nají Sáñkalda nibaldá” axaldeshi Jatetshi múldigabak ekí gauwanane na?

Mateyu 27:35

Guñguake Duweki kaldik axaldiyeniki suldáukueja Duwetshi zhakuáki mieldekueja ipanaldixa ne atualdiamak ajanashiji aldiyá. [Ekí zegatshake Jatetshi múldigaba naldiñga zʉxaitshixaja guakldamak zexaldiamak ekí zeklde: “Nají zhakuá abakaldak nazijuakueki ishkiyapana akuatshake nají zhakuá giemiki mieldetshi naldaldiamak aldiyá.”]

Malku 12:36

Ekí akuaka ne, nauwibama Dabí Jatetshi Aldunajañga aksanegatshak ekí guaklde: “Saldiñga netshi Jateja nají Sáñkalda Zʉnekualkak ekí akbeyá: ‘Nas saldiñga aksanegatokugeñga, jibatshugaldi mual akldé akzéñ naldesañ yate guwá. Naski maguldiñkakuek auxaga magubishaldikueñka yo amak mizhoxaldixa nakldá.’”

Alduka 24:44

Guñgueniki ekí kakbeyá: —Naski maiñ na izhogukueñga, Najatetshi múldigabaja nas shalda sakí nagatsexaldixa guagauxa zegakue naldaldixa miñmenuge. Nas shalda kalta sezhekldanauxaki nauwibama Mueséja, nauwibama Dabíja, Najatetshi múldigaba naldiñga zʉxaitshixakueja ekíga nagatsexaldixa kalta axauwanane.

Ajanashatone 1:16

“Gajakuañ, mauzeñga Jatetshi Aldunaja nauwibama Dabí aksanegatshak Juda shalda Jatetshi múldigabak gaushanamak zegakue zanamak zeklde. Judajañki Duwe guxaldixakue amak akuxaldiamak uldenane.

Aldumaxa 1:3

Nalgué Asukuá Duwe Jesú amak jai kagik káguba naldi kukatshake nauwibama Dabí nanetshi atukuaga kuká.

Aldumaxa 15:12

Ekí jiaga Isaiyaja guaklde sezheklde: “Ezua nauwibama Isahí shtukuaga kukaldixa. Eja zʉnake saldiñga saná na nahauxa kaksanexaldixa. Ekueja zhinik aldéñ sakí kalkualdaldixa kakbene ‘amak zʉñkatshaldixa shakldá’ ajañgui, alduna iyashaldixa nzha.”

2 Timuteyu 2:8

Duwe Jesú shalda ekí be mizhgisekualdí: Aldéñki nauwibama Dabítshi atukua nane. Ega na nauwitsaldí shuigueni Jateja mokue izhgaldakshá guane. Akna Duwe zʉnekuane shalda guaxaldatshak ekí za guaxal izhokuge.

Ebeldeyu 1:1

Mauzeñgaki Saldiñga netshi Jateja matshuwi juizha ají múldigaba naldiñga zʉxaitshixakuek zhinik anuñka nalda nauwibamakue axazguagatonane.

Ebeldeyu 3:7

Akze, Jatetshi Aldunajañga ekí guashi sezheklde: “Kaiga Jateja guaká nuká miñguake,

Ebeldeyu 4:7

Ai shalda na anuñka zegueni jiaga, Jateja nauwibama Dabík zhinik ají múldigaba sezhekldek “kaiga” guashi ezua niuwañ janaktune shalda mokue ekí guaklde tuñkalde: “Kaiga Jateja guaká nuká miñguake, aldunaxa kuamaldekbine naldagába.”

Ebeldeyu 6:17

Akna Jateja janshizhe atshaldixa jañguaneki yushazháka ne ai ipanaldixakuek muldetua kakldekshaldixa jañgui na, axaldáñga axeldashi “ekí mixatshaldikue nzha” guaklde.

Ebeldeyu 7:21

Akze, Duwe Jesú izhagatshake ekí axeldashi akbene: “Jate Saldiñga netshi Sáñkaldak ekí atshaldikue axelté gualdikuenik, ni mitsake yusha atshazháldikue: ‘Mañki [Melkisedék janañga] múldigaba maldagaskaitshixa naldiñga mizhogataná.’”

2 Péguldu 1:21

Akze, Jatetshi múldigabaga kágubakueja sakí gauwakue ajañguamak ni mitsák axauwagába, Saldiñga netshi Jatega zhinik azakuashi na, ají Aldunajañga kágubakuek kaksaneguauxabé axauwane nakldá.

Auxa zexaldixa 17:14

Gualdinik na Jubeju zhauwa kaugagashaldixa. Guatshak eñki saldiñga netshi Sáñkalda, saldiñga sanék guauxatshi Sáñkalda nakna, ejañga kagubiyaldixa. Ekí ubiyatshak, ají naldaldiamak izhgakuxane abá naldakí amak axatshixakueki akzheñga ekí atshaldixa nakldá.”

Auxa zexaldixa 19:16

Guatshak zhakuák nugáxaldake ekí guashi akzukue: “Saldiñga netshi Sáñkalda, saldiñga sanék guauxatshi Sáñkaldaga nzha.”