Warekaia Iteraera 8:17 - Te B'aib'ara

¹⁷ Ngke I tiringiia ngkoa aia karimoa mm'aane aika kaain Aikubita, ao bon anne naba te tai are I baaireia iai b'a N na b'ainiia natiia utuun nako Iteraera aika karimoa mm'aane, ao ai uana naba ma karimoa mm'aane n aia nanai n tiibu ma kooti, ao aia nanai ni kao.

Warekaia Iteraera 8:17 ပူးပေါင်းရင်းမြစ်များ

Taian Areru 105:36

E kamateia ni kabane naati m'aane ake karimoa n aia utu nako I-Aikubita.

Taian Areru 135:8

E tiringiia karimoa ake natiia aomata ma maan i Aikubita.

Taian Areru 78:51

E kabaneia ni kamateia naati m'aane ake karimoa man utu nako i Aikubita.

Te Otinako 12:29

Ngke e a nuukanibong E a tiringiia naati karimoa mm'aane te UEA i Aikubita, ni moa mairoun natin te uea te mm'aane, ni karokoa natin te bure are i nanon te karabuuti; a bane naba n tiringaki karimoa mm'aane aika natiia maan.

Te Otinako 13:2

“Ko na katabuia karimoa ni kabane aika nati mm'aane b'a au b'ai b'a a na riki karimoa aika m'anen Iteraera ma aia man naba aika karimoa mm'aane b'a au b'ai.”

Te Otinako 29:44

E na riki n tabu te Um'antabunrianna i buku, ao a na nako raoi aia m'akuri n ibonga Aaron ma natina mm'aane.

Etekiera 20:12

Ao I tuangiia b'a a na karinea te bong ae te Taabati b'a kanikinaeana b'a a tabu b'a Au b'ai.

Nakoaia Ibonga 27:26

Karimoa man ami man aika kawakawa nako n ami nanai nako bon au b'ai, ma ngaia are, kam aki kona ni berita iai nako Iu.

Warekaia Iteraera 3:13

Ma ngkai I a butim'aia kanoan Rewi b'a oneani mwiin natiia Iteraera aika karimoa mm'aane.

Warekaia Iteraera 8:18

Ma, I a tia ngkai n rineia kanoan Rewi b'a oneani mwiia karimoa mm'aane,

Ruka 2:23

n ai aron are koreaki n ana tua te Uea are e kangai, “B'a naati mm'aane ake moa n nati a na atongaki b'a ana b'ai te Uea.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 11:28

I bukin ana onimaki Moote, ao e a riki iai ni karaoa te Riao ma katimtim'an te raraa, b'a e aonga Aneran te Mate n aki kamateia naati mm'aane ake karimoa.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.