Warekaia Iteraera 8:12 - Te B'aib'ara

¹² Ao i mwiin aei, ao a na manga katokai baiia kanoan Rewi i aon atun te kaomm'aane. Ao i mwiina, e na kareanaki temanna te kaomm'aane b'a te karea ni kab'ara bure, ao are temanna, b'a te karea are kakukureiau.

Warekaia Iteraera 8:12 ပူးပေါင်းရင်းမြစ်များ

Te Otinako 29:10

Kaira te kaomm'aane nakon mataroan te kawai nakon te Um'antabunrianna, ike a na katokai iai baiia Aaron ma natina mm'aane i aon atuuna.

Nakoaia Ibonga 1:4

E riai ni katokaa baina te aomata anne i aon atuun ana karea, ao e na butim'aea te karea anne te UEA, b'a te karea ni kab'arabure.

Nakoaia Ibonga 14:22

E na uoti naba uoman te taobe, ao uoman naba te bitin, b'a temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 16:11

Ngke e anga te karea Aaron are te karea ni kab'arabure bon i bukina ma ana utu,

Nakoaia Ibonga 16:21

Ao ko na katokai baim i aona ikekei, ngke ko tabe ni kaoti aia bure aomata ake a tia ni karaoi, ao ko na rinea temanna are e na kaira te kooti nakon te rereua, b'a e aonga ni uotinako aia bure nako.

Nakoaia Ibonga 16:6

E na riai n anga te kaom'aane i bukin te karea i bukin kab'araan aia bure kaain ana utu.

Nakoaia Ibonga 4:15

A na katokai baiia taan kairiiri man te bootaki n Iteraera i aon atuun te man arei, ao e na tiringaki ikekei.

Nakoaia Ibonga 4:20

E na karaoa ae ti te arona nakon te kao aei ma are e karaoia nakon te kao are i bukin te karea ni kab'arabure, ao ai anne ngkanne arona ni karaoa te angakarea i bukin aia bure aomata, ao a na kab'araaki aia bure iai.

Nakoaia Ibonga 4:35

Ao e na manga kanakoi taian nenea ni kabane, n ai aron kanakoan nenean naba te tiibu are tiringaki b'a te karea n raoi, ao e na kabuokaki i aon te baonikarea, n ikotaki ma te am'arake are te karea nakon te UEA. Ao ai anne aron te ibonga n anga te karea i bukin ana bure te aomata, ao e na kab'araaki ana bure iai.

Nakoaia Ibonga 4:4

E na uota ana kao anne nako mataroan te Um'antabunrianna, ma ni katokaa baina i aon atuun te man, ao e na tiringnga ikanne i matan te UEA.

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 8:14

Ao e a uota te kao m'aane ae te tei Moote i bukin te karea ni kab'arabure, ao a katokai baiia Aaron ma natina m'aane i aon atuun te man.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Nakoaia Ibonga 8:18

Ao i mwiina, e a manga anaa te tiibu m'aane Moote i bukin te karea ni kabuokaki, ao a katokai baiia Aaron ma natina m'aane i aon atuuna.

Nakoaia Ibonga 8:34

Ti a tia ni karaoi b'aai ni kabane ake E tuangiira te UEA b'a ti na karaoi n te bong aei, i bukin kab'araan am bure.

Nakoaia Ibonga 9:7

Ao i mwiina, e taku nakon Aaron, “Naako nakon te baonikarea ao anga te karea ni kab'arabure ao te karea ni kabuokaki i bukin kab'araan aia bure aomata. Ko na kaoti taiani karea aikai b'a kab'araan aia bure aomata, n aron ana taeka te UEA.”

Warekaia Iteraera 6:14

ao ko na anga teniman te man aika akea toabuakan rab'ataia. Ko na anga te tiibuteteei ae teuana ana ririki ni maiu i bukin te karea are kakukureiau, ao te tiibu te teei ae te aine i bukin te bure, ao te tiibu te teei ae e a ikawai b'a te karea i bukin bubutiakiu au kakab'aia.

Warekaia Iteraera 6:16

E na uoti taiani b'aintangira aikai te ibonga nakon Au baonikarea ma n anga nako Iu, b'a I aonga ni kukurei ma ni kab'arai am bure.

Warekaia Iteraera 8:13

Ao a na tei kanoan Rewi i rarikin Au baonikarea i matan Aaron ma natina mm'aane, ake a na katabuia kanoan Rewi nako Iu.

Warekaia Iteraera 8:8

A na uota mai te kao mm'aane, ao te uita are te karea ni koaua, are te buraawa ae renganaki ma b'aan te oriwa. Ao a na manga uota mai te kao mm'aane are te kauoman b'a te karea ni kab'arai bure.

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.