Warekaia Iteraera 7:10 - Te B'aib'ara

¹⁰ Ao ngke e a roko te bong are na katabuaki iai te baonikarea, ao a uoti aia b'aintangira taani kairiri ake tengaun ma uoman i bukin te katabutabu.

Warekaia Iteraera 7:10 ပူးပေါင်းရင်းမြစ်များ

1.Uea 8:63

ao a karean 22,000 taiani kao ao 120,000 taian tiibu b'a aia karea ni butiia te UEA ana Kakab'aia.

2.Rongorongo 7:5

aika 22,000 taiani kao ao 120,000 taian tiibu.

2.Rongorongo 7:9

Ao n te bong are i mwiina, ao a bane ni ikotaki aomata n taromauri. A tia ni bukamarua aia bootaki arei i nanon te maan ae tebwi ma aua te bong, ao itiua te bong i bukin katabuan te baonikarea ao itiua riki te bong i bukin te Toa.

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Warekaia Iteraera 7:1

Ao ngke e a bane raoi ana m'akuri Moote ni katea te Um'antabunrianna, ao e a katabua te Um'antabunrianna b'a Ana b'ai te UEA, n ikotaki ma b'ain nanona ni kabane, ma te baonikarea, ao b'aina ni kabane.

Warekaia Iteraera 7:11

Ao E taku te UEA nakoni Moote, “E na anga ana karea temanna te tia kairiri n te bong teuana, ao temanna n te bong are i mwiina, ni karokoa baneia ake tengaun ma uoman.”

Warekaia Iteraera 7:84

Aio aron tabuan te baonikarea, n te bong are a kabiraki iai i rouia mataniwiia Iteraera: 12 raurau aika ab'ab'aki aika tirewa, ao 12 boora aika tirewa, ma 12 buun aika koora;

Warekaia Iteraera 7:88

Ao taiani kao i bukin te karea n raoi bon 24, 60 tiibu mm'aane, 60 te kooti mm'aane, 60 te tiibu te teei aika tib'a kaka teuana aia ririki. Aio aron tabuan te baonikarea, ao i mwiina a kabiraki.

Te Tua-Kaua 20:5

Ao e na kaangai aobitian taiani baronga: Ngkana iai mai buakomi ae e a tia ni karaoa ana auti ae boou, ae e tuai maeka iai, ao e riai n aki iri n te buaka b'a rimwi e na mate n te buaka, ao e na maekanaki ana auti are boou iroun te aomata temanna.