Warekaia Iteraera 6:20 - Te B'aib'ara

²⁰ Ao ngkoe, ko na manga kaoki n angan te ibonga, ao te ibonga, e na tabekirake ni katabui nako Iu, ao i mwiin aei, ao e a kona ni kana irikon angan te tiibu mm'aane, n ikotaki ma rii ni kaokaona, ao rangana, b'a bon anne tib'angana man te karea. Ao i mwiin aei, ao ko na aki manga atongaki b'a te Natiraite, ao ko a inaomata n nima te wain.

Warekaia Iteraera 6:20 ပူးပေါင်းရင်းမြစ်များ

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Nakoaia Ibonga 10:15

A na riai ni uota rangan te man ake mai buki ao te rinikaokao n te tai are e kaotaki iai te karea are te am'arake nakon te UEA. Bon ami b'ai taiani m'akoro aikai ma natimi n aki toki, n aron ana mwioko te UEA.”

Nakoaia Ibonga 23:11

n te bong are i mwin te Taabati. E na tabekia rake ni katabua nako Iu, ao N na butim'aia.

Nakoaia Ibonga 7:30

ao e na uoti n oin baina b'a te karea are te am'arake. E na riai ni uota nenean te man ma b'aab'aana ma n tabekiarake b'a te karea are te b'aintangira ae kaokoroaki nakon te UEA.

Nakoaia Ibonga 7:31

E na riai te ibonga ni kabuoka te nenea i aon te baonikarea, ma e na b'ainaki m'akorona are b'aab'aana irouia ibonga.

Nakoaia Ibonga 7:32

E na kanakoaki rangan te man are te angaatai b'a te buoka

Nakoaia Ibonga 7:34

Bon te b'aintangira ae e onoti b'aab'aan te man, ao rangana te angaatai bon te buoka are E a tia n anaia te UEA mairouia Iteraera ma n anganiia ibonga. Aio te b'ai ae a riai Iteraera n anga nakoia ibonga n taai nako ni boong aika a na roko.

Nakoaia Ibonga 9:21

ao e kaoti taian b'aab'aa ao rangan te man ake mai buki b'a te b'aintangira ae e kaokoroaki nakon te UEA i bukiia ibonga, n aron ana mwioko Moote.

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Tekaria 9:17

Ai tangirakira. A na rikirake te roronrikirake ikekei n ai aron te uita i nanon te rereua ke te kureebe i nanon te nne n aroka ni kureebe.

Warekaia Iteraera 18:18

Kam kariaiakaki ni kang irikon maan aikai, n aron ae kam kona n kang rinikaokao, ao rangan taian raka ni Karea.

Warekaia Iteraera 5:25

E na ana te karea are te b'are mairouna, ao e na tabekiarake ni katabua nako Iu, Ngai ae te UEA. Ao i mwiina, e na katikua i aon au baonikarea,

Warekaia Iteraera 6:21

Ao akanne b'aai aika a tangiraki i bukin te Natiraite, ma ngkana ko taku b'a ko kona n anga ae m'aiti riki nakon anne, ao ko riai n anga.

Mataio 26:29

I tuangngkami b'a N na aki manga moi n te wain aei, ni karokoa te bong arei, are N na nima iai te wain ae boou ma ngkami n uean Tamau.”

Mareko 14:25

E koaua ae I a tuangngkami b'a N na aki manga moi n ranin uaan te kureebe ni karokoa te bong arei, are N na nima iai te wain ae boou n Uean te Atua.”

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.