Warekaia Iteraera 34:4 - Te B'aib'ara

⁴ E na wairio mai ikekei, ma e na manga rairaki nako maiaki ni kaineta Kawain Akerabim Tikaobian i nanona, te kaawa ae uarereke are Tin, ao kaawan Kateti B'anea. Ao mai ikekei, e na manga waaki nako te tia nako Atia Ata ni karokoa Atimon.

Warekaia Iteraera 34:4 ပူးပေါင်းရင်းမြစ်များ

Warekaia Iteraera 13:21

Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

Warekaia Iteraera 13:26

ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

Warekaia Iteraera 20:1

Ao a roko Iteraera n te Rereua are Tin n te moan nam'akaina, ao a katea aia maeka i rarikin te kaawa are Kateti. Bon arei te tabo are e mate iai Nei Miriam, ao e taunaki naba iai.

Warekaia Iteraera 32:8

Bon aei te b'ai are riki ngke I kanakoia ami bakatibu mai Kateti B'aanea b'a a na tuoa te aba.

Warekaia Iteraera 34:3

E na riki Rereuan Tin ao m'akoron Etom are maeao meang b'a tian te aba mai maiaki. E na moa te tia aei mai tabon Taari are Mate mai maiaki.

Iotua 15:1

Aikai aaba ake a anganaki utuun te baronga are Iuta b'a abaia; ake aaba ake a nako aiaki ake i rarikin tian Etom, ao e roota te rereua are Tin tokina mai maiaki.

Tani Motiki-taeka 1:36

Tian Amora ao Etom ni kawai, e bon moa mai Tera ri nanon Kawain Tikaobian nakon aaba ake a tabukibuki.