ni karokoa e roko tian Kanaan i Titon are nakoiang nako Kera i rarikin Kaata, ao ni waerake naba nako Tootom, Komora, Atema, ao Teboiim i rarikin Ratia.
N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.
N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.
I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.
E taku te UEA ae te Atua: Ko na tuangiia Iteraera: E na anganaki te baronga are Ioteb'a uoua tib'ana ngkana e tib'aaki te aba nakoia barongan nako Iteraera.
Ko na tib'aa raoi te aba, i bukina b'a I berita ngkoa nakoia ami bakatibu b'a n te bong teuana ao e na riki te aba aei b'a aia b'ai aia kariki. Aikai tian te aba.
ao E karikiia botannaomata ni kabaneia mairoun te aomata ae temanna, b'a a na maeka i aon te aba ni kabane; ao E a kamani bairea te tai are a na maeka iai, ma tiani neia ni maeka.
b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.
Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.
ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;
A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.
Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.
