Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,
Ao a taku, “Bon taari ngaira aika tengaun ma uoman m'aitira ni kabane, bon ti temanna tamara n te aba are Kanaan. E a tia ni mate tarira are temanna, ao tarira are te bina are tiku iroun tamara.”
E taku te UEA ae te Atua: Ko na tuangiia Iteraera: E na anganaki te baronga are Ioteb'a uoua tib'ana ngkana e tib'aaki te aba nakoia barongan nako Iteraera.
Ngkana E toki ni m'akuri ao e m'aeiei aon te aba; a ruru ni maaku botannaomata i matana. Maunga ake ngkoa ana maenako ao tabuki ake a teimatoa ana inako, ake tabuki ake E nakonako i aona n taai ake ngkoa.
Ao e a taetae Moote nakoia aomata ni kaangai, “A na reke i roumi aaba akana i nanon taian tia akanne. A na riki b'a ami b'ai, ma E a tia te UEA ni mwiokoingkami b'a kam na tib'aia nakon ruaiwa ma te itera te baronga.
