Warekaia Iteraera 33:3 - Te B'aib'ara

³ A kiitana kaawan Aikubita are Rameteti Iteraera ni katebwi ma nimauan bongin te moan nam'akaina. Bon aei te bong are i mwiin katuaeakiia antin Aikubita iroun te UEA ngke E tiringiia nati mm'aane aika karimoa n aia utu nako kain Aikubita ni kabane.

Warekaia Iteraera 33:3 ပူးပေါင်းရင်းမြစ်များ

Karikani B'aai 47:11

Ao e kamaekaia tamana ma tarina Ioteb'a i Aikubita, ma n anganiia raoiroin aon te aba arei ake i rarikin Rameteti, n aron ana mwioko te uea.

Taian Areru 105:38

A kukurei I-Aikubita irouia ngke a nako, B'a a makuia.

Te Otinako 1:11

Ma ngaia are, kaain Aikubita a manga riki b'a mataniwiia tooro, ao a kairiia n te kairiiri ae matoatoa. Ao a karaoa te kaawa ae buubura are Bitom ma Rameteti Iteraera aika kaawa i bukin kaawakinan kaub'aina.

Te Otinako 12:2

“E na riki te nam'akaina aei b'a ami moan nam'akaina i Buku n te ririki.

Te Otinako 12:37

Ao a waaki nako n nakonako i aon waeia Iteraera mai Rameteti ni kakioa Tukota. E kaaniia onobubua tengaa bootan te mm'aane, n aki warekaki aine ma ataei.

Te Otinako 13:4

Kam kiitana Aikubita n te bong aei n te moan nam'akaina are arana Abibi.

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Itaia 52:12

Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Warekaia Iteraera 33:2

ao Moote, e taui aran taabo ake a katei auti n rianna iai, n aron reireiana iroun te UEA. Ao aio tauan rongorongon m'anangaia: