Warekaia Iteraera 32:22 - Te B'aib'ara

²² ao ngkana E tia te UEA ni buokiia Iteraera n taui aaba, ao kam a kona ngkanne n okira abami ngkana kam tangiria.

Warekaia Iteraera 32:22 ပူးပေါင်းရင်းမြစ်များ

2.Tamuera 3:28

Ao e ongo Tawita ae e tiringaki Abenera iroun Ioaba ao e taku, “I tuea nakon te UEA b'a I bon aki bure ni maten Abenera!

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Nakoaia Ibonga 14:34

ake tuan te rebera are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.)

Warekaia Iteraera 32:21

Kam kariaia naba b'a kam na ri aon te Ioretan n iriia nikiraia Iteraera, ni karokoa te tai are E na kakioia nako iai kairiribai te UEA man te aba? Ngkana kam karaoi baikai,

Te Tua-Kaua 3:20

E na karaoia te UEA b'a a na taenikai botannaomata irouia ake aia kairiribai ake mai maeaon te Karaanga are te Ioretan ma n taua abaia. Ao i mwiina, kam kona n okira ikai nakon te aba ae I a tia n anganingkami.

Iotua 1:15

ni karokoa reken raoi aaba ake i maeaon te Ioretan irouia ake E a tia ni motiki bukiia te UEA ae Atuami b'a abaia. Ngkana E a tia te Atua ni karekei nneia ni maeka barongan Iteraera ake a na maeka i maeaon te Ioretan, ao kam a tib'a kona n okiri abami ngkami barongan Iteraera ake kam maeka i mainikun te Ioretan n aron are e a tia n tuangngkami ngkoa Moote are ana toro te UEA.”

Iotua 10:30

Ao e a manga katokanikaia naba aomatan Iteraera te UEA i aon te kaawa arei ma ueana. Bon akea temanna ae kamaiua, a bane n tiringiia kaain te kaawa ni kabane. Ao a manga karaoia naba nakon Ribena te b'ai are a karaoia naba ngkoa nakon uean Ieriko.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

Iotua 11:23

A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.

Iotua 13:8

A kaman tia n anganaki abaia te baronga are Reuben, ao Kaata, ao iteran te baronga are Manate n aaba ake i mainikun te karaanga are te Ioretan i roun Moote are ana toro te UEA.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

Iotua 2:19

Ngkana iai ane e otinako man te auti aei ao bon ana bure i rouna ngkana e mate, ao ngaira akea naba tabera iai, ao ko na aki bukiniira i rouna, ma ti na bukinaki iroun ane e mate i nanon te auti.

Iotua 22:4

Ao ngkai E bon teimatoa te UEA ae Atuami ni kaawakin ana berita i bukin te rau, n ai aron are e taekinna naba ngkoa nakoia raomi ake baronga ake tabem'aang. Ma ngaia ae kam na nako n okiri abami are kam abanna are i mainikun te Ioretan are e a tia n anganingkami Moote are Ana toro te UEA.

Iotua 22:9

Ma ngaia are a teirake n nako baronga ake Reuben ma Kata ao Manate mainiku mai i buakoia aomatan Iteraera ngke a mena i Tiro n te aba are Kanaan, b'a a nang okiri abaia are n te aba are Kireata are e anganiia Iotua n ai aron Ana mwioko te UEA nakoia i roun Moote.