Warekaia Iteraera 3:32 - Te B'aib'ara

³² Ereata are natin Aaron te mm'aane, boni ngaia mataniwiia kanoan Rewi, ao boni ngaia naba are e na tara raoi te m'akuri n te Um'antabunrianna b'a e na tia raoi.

Warekaia Iteraera 3:32 ပူးပေါင်းရင်းမြစ်များ

2.Uea 25:18

I mwiina, e a manga katika Teraia are te mataniwi ni ibonga te uea are Nebukaneta, ao n reitaki naba ma Tebania are te kauoman ni mataniwi ni ibonga, ao teniman taiani mataniwi n te Tembora.

Etira 7:5

natin Abitua, Bineati, Ereata, natin Aaron are te ibonga ae e rietaata.

Etekiera 40:45

E taku, “Aia b'ai ibonga ake a m'akuri n te Tembora te kateitei are i rarikin mataroan meaang,

Warekaia Iteraera 3:31

Aia m'akuri n te Um'antabunrianna bon kaawakinan te Ati ni Berita, te Taibora i bukin te Kariki ae Tabu, Kaintein te Taura, te Bao ni Karea, B'ain nako te Taromauri, ao te Roki are i matan te Tabo are Moan te Tabu. Tabeia kanoan Koata bon te katei baikai, ao manga te kab'aranakoi.

Warekaia Iteraera 3:33

Araia kaaingan Merari ake uoua bon kanoan Maari, ao kanoan Muti,

Warekaia Iteraera 4:16

Taben Ereata are natin Aaron are te ibonga, bon te tararua b'aan taian taura, b'ai ni kaboiarara, uita i bukin te karea, ao b'aan te oriwa i bukin te katabutabu. E bon mwiokoaki naba Ereata b'a e na karaua n tara b'ain te Um'antabunrianna, ma b'aina ake a tabu b'a a bon kaawakinaki raoi.

Warekaia Iteraera 4:27

ao a na uouoti naba nakon taabo ike a tuangaki iroun Aaron ma natina mm'aane b'a a na uoti nako iai.

Warekaia Iteraera 4:40

ao kanoan Kerition bon 2,630,

Warekaia Iteraera 8:26

A kona ni buokiia raoia akana tabeman n tabeia, ma a nang aki kariaiakaki n te m'akuri. Ko na ururinga aei ngkana ko anganiia.