Warekaia Iteraera 3:31 - Te B'aib'ara

³¹ Aia m'akuri n te Um'antabunrianna bon kaawakinan te Ati ni Berita, te Taibora i bukin te Kariki ae Tabu, Kaintein te Taura, te Bao ni Karea, B'ain nako te Taromauri, ao te Roki are i matan te Tabo are Moan te Tabu. Tabeia kanoan Koata bon te katei baikai, ao manga te kab'aranakoi.

Warekaia Iteraera 3:31 ပူးပေါင်းရင်းမြစ်များ

Te Otinako 37:1

Ao e karaoa te Atiniberita Betarera man te kai ae te aketia, ae ab'akina bon tebubua tebwiina te tientemiita ab'akina, onobwi ma onoua te tientemiita raababana, ao onobwi ma onoua te tientemiita rietana.

Te Otinako 40:30

E katuka te beetin n uaati i marenan te Um'antabunrianna ma te baonikarea, ao e kanoaia n te ran.

Warekaia Iteraera 3:30

i aan ana kairiri Eritaban are natin Utiera te mm'aane.

Warekaia Iteraera 3:32

Ereata are natin Aaron te mm'aane, boni ngaia mataniwiia kanoan Rewi, ao boni ngaia naba are e na tara raoi te m'akuri n te Um'antabunrianna b'a e na tia raoi.

Mataio 5:15

Ao a aki kaura te taura aomata ni kaki i aan te b'aketi, ma a kaki i aoni nena; ao e nako ootana nakoia aomata ni kabaneia ake n te auti.

Te Tua-Kaua 10:8

Ao i mwiin karinan atibu ake a tabu i nanon te Atiniberita, ao te UEA E rineia kanoan Rewi b'a tiaki ti taan uouota te Atiniberita, ma a na riki naba b'a taiani ibonga n te tabo n taromauri, ao a na kakab'aiaia naba taiani baronga n Arana. Ao a bon karaoi naba baikai ngkai.