11 I a tia n rinea te baronga are Rewi mai buakoia Iteraera, ao a na kaokoroaki b'a Au b'ai.
I tuangngkami te b'ai aio, b'a I aonga ni konaa ni kaawakina au boraraoi ma ami bakatibu are Rewi,
aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.
Ngke I tiringiia aia karimoa kaain Aikubita, ao I baaireia b'a N na b'ainiia naati mm'aane ake aia karimoa Iteraera n aia utu nako, ao n aia kao ma aia tiibu nako naba.