Warekaia Iteraera 3:10 - Te B'aib'ara

¹⁰ aomata ake a tia n rineaki b'a ibonga. Ngkana iai ane kataia ni karaoa aia m'akuri ibonga, ao e na tiringaki.

Warekaia Iteraera 3:10 ပူးပေါင်းရင်းမြစ်များ

2.Tamuera 6:7

Ao e rangi ni un te UEA iroun Utia ngke e karaoa arei, ao e tiringnga Utia ngkekei naba i rarikin te Atiniberita.

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

1.Rongorongo 6:32

A m'akuri taani katangitang aikai n te Um'antabunrianna ao i mwiina, a manga m'akuri n ana Tembora te UEA are e karaoia Toromon.

Neemia 6:11

Ao I taku, “E aera ngkai N na biri nako ma ni karabaai i nanon te Tembora i bukin rawean maiu? I aki nako!”

Te Otinako 29:9

ao b'araia ao aia kabae n nuuka, ao i mwiina, kam na katabuia, i bukina b'a ana teimatoa n riki aia kariki b'a ibonga.

Etekiera 44:8

Ngke kam bon riai ni karaoa raoi kawain taromauriau, kam a manga kateia ianena b'a a na tararuaa te taromauri i nanon au Tembora.

Nakoaia Ibonga 22:10

Bon ti ngkami ibonga ma ami utu aika kam na kang karea aika am'arake; a bon rangi n tabu n te aro are a bon aki riai b'a a na kanaki irouia ami taani m'akuri.

Warekaia Iteraera 1:51

Ao ngkana kam nang manga m'ananga nako, ao a na kab'aranakoa te Um'antabunrianna ma ni uotia, ma ni manga kateia n te tabo are kam na manga katei maeka iai. E na tiringaki ane kataia ni kaaniia te Um'antabunrianna.

Warekaia Iteraera 16:10

E a tia te Atua n anganingkami tib'angami ae okoro, ao ngkai, kam a manga kan riki naba b'a Ana ibonga.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 18:3

Kam na riai ni kakoauaia b'a a bon karaoi raoi tabeia. Ma ngkana a kaanii b'aai ake a tabu n te Tabo are e Tabu ke te baonikarea, ao kam na bane ni mate.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Warekaia Iteraera 3:11

I a tia n rinea te baronga are Rewi mai buakoia Iteraera, ao a na kaokoroaki b'a Au b'ai.

Warekaia Iteraera 3:38

A na katei aia auti n rianna Moote ma Aaron ao natina mm'aane i matan te Um'antabunrianna, mai mainikuna, ao n tararua naba aroia Iteraera b'a a na taromauri raoi. Ngkana iai ae na kataia ni karaoa ana m'akuri Moote ma Aaron, ao e na tiringaki.

I-Rom 12:7

Ngkana te kona ni buobuoki, ao ti na i buobuoki; ao ngkana te kona n reirei ao ti na reirei.

I-Ebeto 2:19

Ma ngaia ae tiaki aomata aika ianena ngkami ngkai, ao tiaki naba aomata aika kam maeka n iruwa; ma aomata ngkami aika kam a riki b'a kanga kaain te aba ni koaua, n raoniia ake a itiaki, ao kam a riki naba b'a kaain ana utu te Atua.

Te Tua-Kaua 18:5

Kam na anga taiani b'aintangira aikai nakoia ibonga, i bukina b'a a tia n rineaki ma kanoaia iroun te UEA mai buakoia barongan Iteraera b'a a na karaoi m'akuri aika raka n te tabo n taromauri.

Ebera 8:4

Ngke arona b'a E na mena i aon te aba, ao bon tiaki te ibonga, ngkai bon iai ibonga aika anga b'aintituaraoi n aron are e tangiraki n te Tua.

Tani Motiki-taeka 17:5

E a reke ana baangota ni mwengana ike e na taromauria iai te Atua, ao e karaoi taian bouananti tabeua ao te ebota. Ao e rinea temanna natina te m'aane Mika b'a te ibonga i bukin ana baangota.

1.Tamuera 6:19

Tabeman m'aane mai Beta Temeti a tara nanon te Atiniberita, ao te UEA E tiringiia itingaun mai buakoia. Ao e karika te nanokawaki ae korakora i rouia kaain Beta Temeti,