Warekaia Iteraera 29:7 - Te B'aib'ara

⁷ Katebwinan bongin te kaitiua n nam'akaina boni bongin te Kab'arabure. Kam na motirawa man ami m'akuri ni kabane n te bong anne, ao kam na bootaki n taromauri. Kam na kaota nanokawakimi n aki am'am'arake,

Warekaia Iteraera 29:7 ပူးပေါင်းရင်းမြစ်များ

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Mataio 5:4

A a kab'aia akana nanokawaki, b'a a na kabebeteaki nanoia.

Ruka 13:3

I taku nako imi, A aki! ma ngkana kam aki rairi nanomi, ao kam na bane ni mate n ai aroia.

Ruka 13:5

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

M'akuri 27:9

Ngke ti a maan n tiku iai, ao e a aki raoiroi te m'ananga b'a e nangi reke te kabuanib'ai iai i bukina b'a e a b'aka nako te Bong n Aki-mamatam, ao e anga ana taeka B'auro n i buobuoki ni kangai,

I-Rom 6:6

B'a ti ata aei: b'a e tauraki aomatara nikawai i aon te kaibangaki ma Ngaia, b'a e aonga ni kamaunaki te rab'ata ae bure, b'a ti na aki manga toronaki n te bure.

1.I-Korinto 9:27

ma I kataneiaa rab'atau n te aro b'a e aonga ni matoatoa, ao I taua taekan arou b'a kanga te toro, b'a e kawa n aki reke arou i mwin tataekinan te euangkerio nakoia tem'angina.