Warekaia Iteraera 28:3 - Te B'aib'ara

³ Kam na kakareani uoman taian tiibu mm'aane aika kaka teuana aia ririki ni maiu ni katoa bong b'a ami karea are kakukureiai. A na riai n aki toabuaka rab'ataia maan.

Warekaia Iteraera 28:3 ပူးပေါင်းရင်းမြစ်များ

1.Rongorongo 16:40

A na riki b'a taan angakarea n te baonikarea ni katoa ingabong ao tairiki, n aron te tua are E a tia te UEA n anga n te Tua are e a anganiia Iteraera.

2.Rongorongo 8:13

E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

Etira 3:5

A anga taiani karea i bukin kakukureian te UEA, ake karea ni katoa te Toa ae Moan Otin Nam'akaina ma taiani karea ake nikiran nako ana toa te UEA. A bane taian angab'ai ake a uoti aomata n anganaki te UEA.

Taniera 11:31

A na kam'araaea te Tembora ana tautia tabeman. A na katoka te angakarea are e katoa bong, ao a na katea te b'ai are moan te kakamaaku.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Taniera 8:11

Ao bon akea naba karinean mataniwiin te taanga ni buaka mai karawa i rouna, e katoka te angakarea are e katoa bong nakon te Atua, ao e uruaka te Tembora.

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Nakoaia Ibonga 3:5

A na kabuoki b'aai ni kabane aikai ibonga i aon te baonikarea, ni ikotaki ma te karea are kakukureiau. E rangi ni kakukureia te UEA boiararan te karea ae te am'arake aei.

Nakoaia Ibonga 6:9

b'a e na angan Aaron ma natina tuua i bukin te Karea ni kabuokaki. E na katukaki te karea ni kabuokaki i aon te baonikarea ni kangainaa, ao e na aki mate aina.

Amota 4:4

E taku te UEA ae moan te rietaata, “Ngkami aika aomatan Iteraera, kam na nako Betaera ae ana kaawa te Atua ae e tabu, ao karaoi m'akuri aika a bure iai ngkana kam kona! Naako Kirekara ao kabatiai riki ami bure! Naako uotimai ami man b'a kam na anga karea ni katoa ingabong, ao uotimai naba ami kabwianib'ai b'a a rikoaki ni katoa te katenua ni bong

Warekaia Iteraera 28:10

Kam na riai ni kareani uoman taian tiibu mm'aane aika kaka teuana aia ririki ni maiu b'a te karea are kakukureiau. A na riai n akea toabuakan rab'ataia tiibu mm'aane aikai, ao a na kareanaki ma te karea are te mooi, ao aua te rawawata te buraawa man ami buraawa are te kabanea n tamaroa are renganaki ma b'aan te oriwa.

Warekaia Iteraera 28:15

Ao n reitaki ma te karea ni kabuokaki ma te wain ni katoa bong, bon teuana te kooti b'a te karea ni kab'ara bure.

Warekaia Iteraera 28:23

A na bane baikai ni kareanaki

Warekaia Iteraera 28:24

b'a raon ake karean te bong koraki, ao e na kakukureiai boiararan bubuia.

Warekaia Iteraera 28:31

A na riai n akea toabuakan rab'ataia maan, ao a na kaairaki ni kareanaki ma te karea are karean te bong koraki.

Warekaia Iteraera 28:4

Kam na anga are temanna n te ingabong, ao are temanna n te tairiki.

Warekaia Iteraera 29:11

E na riai ni kareanaki naba te kooti i bukin aia bure aomata. Kam na anga karea aikai i rarikin taian karea ni kab'arabure, ao karean te bong koraki.

Warekaia Iteraera 29:16

Ao kam riai naba n anga te kooti b'a te karea ni kab'arabure. A na kareanaki baikai b'a raon ake karean te bong koraki.

Warekaia Iteraera 29:6

A na karaoaki taian karea aikai b'a raonan karea n te bong koraki ao taiani karea are i bukin moani bongin te nam'akaina. E na bon kakukureiai bubun taiani karea aikai.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ebera 9:6

Ma aei aroni baikekei ni baireaki. A rin ibonga i nanon te moa n ruu n te um'anrianna ni karaoi aia m'akuri ni katoa bong;

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.