Warekaia Iteraera 28:2 - Te B'aib'ara

² b'a e na kaangai nako ia Iteraera: Kam na anga ami karea nako Iu n ami tai n taromauri ake a tia n rineaki, b'a I aonga n aroka bubun te karea ao I kukurei iai.

Warekaia Iteraera 28:2 ပူးပေါင်းရင်းမြစ်များ

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

1.Rongorongo 23:31

A na riai naba n anga aia kaaitau ao n anene n nebonebo ngkana e tabe ni waaki te angakarea ni katoa Taabati, ao ai uana naba ni katoa te Toa ae Moan Otin Nam'akaina ao bootakin riki te aro ake tabeua. A na riai n tau m'aitiia n taai nako kanoan Rewi aika a na m'akuri n te Tembora ni karaoi baika a tangiraki ni katiaaki.

2.Rongorongo 23:18

Ao Ieoiata e anganiia ibonga tabeia n te Tembora, n aron are e karaoia naba ngkoa Tawita. Tabeia bon te anga taiani karea nakon te UEA n aron are n ana tua Moote, ao tabeia naba kairan te anene.

2.Rongorongo 31:3

E katauraoi taiani man Etekia man ake bon oin ana nanai n tiibu ao ana nanai ni kao b'a a na kabonganaaki i bukin karean te moaningabong ao te tairiki, ao ai uana naba ma taiani karea i bukin taiani bootaki ake a na karaoaki n te Taabati, ake te Toa ae Moan Otin Nam'akaina, ao taiani bootaki n am'arake ake tabeua ake a tangiraki karaoaia i aan ana tua te UEA.

Etira 3:2

Ao ibonga ake Iotua are natin Iotataka te m'aane ao Terub'abera are natin Tearetiera te m'aane, ao ana koraki nako a manga karaoa te baonikarea i bukin Atuan Iteraera. B'a a aonga ni manga konaa iai n anga aia karea ikekei ma n iri taiani kaetieti n aron are e a tia n anga te Atua nakon Moote.

Etira 3:3

Ao a karaoa te baonikarea n te tabo are e bon tei iai mai m'aaina, e ngae ngke a maakuia aomata ake a kaman maeka ikekei i rarikiia. Ao i mwiina, a katoa ingabong ao tairiki ni kabuoki taiani karea ma angab'ai nakon te UEA.

Neemia 10:34

Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Te Otinako 23:15

Kam na karaoa te Toa are te Kariki are Aki Karikaki ngkana kam kana te kariki are e aki karikaki, n aron are I a tia ni mwiokoingkami iai. Kam na karaoa aei n taina raoi n te nam'akaina are Abibi,

Te Otinako 29:18

Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.

Etekiera 16:19

I anganganiko te buraawa, b'aan oriwa, ao ana karewe te manibeeru, ao ko karean ni kabane b'a kakukureian taiani bouannanti aikai. Boni Ngai ae te UEA ae I mataku ngke e riki aei.

Etekiera 20:41

Ngkana I kaokingkami man taabo ake kam uamaae nako iai, N na rangi ni kukurei iroumi, n ai aron kukureiu ni boiararan bubun ami karea. A na bane n nooria botannaomata nako n aonnaba b'a I tabu,

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 1:17

E na taui bain te mannikiba ni kauoua te aomata, ao e na katikia ni katabwena rab'atan te mannikiba, ma e na aki kounako bain te mannikiba. Ao i mwiina, e na kabuokia i aon te baonikarea. E bon rangi ni kakukureia te UEA boiararan te karea aei.

Nakoaia Ibonga 1:9

E na bon kaitiaka kanoannanon, ma waen ana man te aomata, ao te ibonga e na kabuoka te karea ni kabane rab'atana i aon te baonikarea. E na rangi ni kakukureia te UEA te angakarea anne.

Nakoaia Ibonga 21:6

Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.

Nakoaia Ibonga 21:8

b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.

Nakoaia Ibonga 3:11

Ao a na kabuoki baikai ni kabane ibonga i aon te baonikarea b'a te am'arake are te karea nakon te UEA.

Maraki 1:12

Ma e ngae ngke kam katinanikuai ngkami aika ibonga n ami taeka ae e kaangai, “Akea te b'ai ae e rangi ni kakaawaki n ana baonikarea te UEA, ao akea manenan karea aikai.”

Maraki 1:7

Kam kab'ainrangai ngke kam anga taiani karea aika akea manenaia i aon au baonikarea. Ao kam a manga kaangai, “Ti kab'ainrangko n te aro raa?” Kam karaoa anne n ami taeka ae e kaangai, “Tera kakannaton ana baonikarea te UEA?”

Warekaia Iteraera 15:24

Ngkana kam bane n aki ongotaeka nakon Au tua teuana n tiaki nanomi, ao kam na anga te kaomm'aane b'a te karea are kakukureiau, n ikotaki ma te karea ae te uita, ao te angab'ai are te wain, ao te kooti b'a te karea i bukin kab'araani buure.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 15:7

Ao e na kab'aroaki naba teuana ma te iterana te riita te wain i aon te baonikarea. E na bon kakukureiai boiararan bubun te karea aei.

Warekaia Iteraera 28:1

Ao E tuangaki Moote iroun te UEA

Warekaia Iteraera 29:39

Kam na riai n anga taiani karea aikai nako Iu n taai ake a tia n rineaki, n reitaki ma taiani karea ake taian anganano, ke ake i bukin kakoroan te berita.

Warekaia Iteraera 9:13

Ma ngkana iai i roumi ae rawa ni karaoa te Riao ngkana kam aki m'ananga nako kiraroa, ao e na katinanikuaki. E na bon katuaeaki i bukina ngke e aki anga karea nako Iu n te tai ae riai.

Warekaia Iteraera 9:7

“Bukin tera ngkai ti na aki iriia raora aika Iteraera ni kauringa te Riao, ma te angakarea nakon te UEA ngkana ti a tia n riinga te mate?”

2.I-Korinto 2:15

I bukini Kristo ao ti a riki nakon te Atua b'a te boi ae boiarara, ae e kiakia nako boina i buakoia aika nang kamaiuaki, ao i buakoia naba aika nangi mate;

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.