Warekaia Iteraera 27:7 - Te B'aib'ara

⁷ A eti natin Terobeata aine. A bon riai n anganaki n tatabemaniia te m'akoro n aba are e riai n reke iroun tamaia ngke arona b'a e maiu.

Warekaia Iteraera 27:7 ပူးပေါင်းရင်းမြစ်များ

Iobi 42:15

Ao bon akea te aine temanna n te aonnaba ae botonaine riki nako ia natin Iobi. Ao Iobi e karikiia b'a taan b'aib'ai n ana b'ai i rarikiia m'aneia.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Ieremia 49:11

Ma kam na katikuia ami ataei aika akea tamaia ao aine aika akea buuia.

Warekaia Iteraera 27:6

ao E kaeka te UEA, ao E taku:

Warekaia Iteraera 27:8

Tuangiia Iteraera ni kabane b'a ngkana e mate te mm'aane ao akea natina te mm'aane, ao a na b'aib'ai n abana natina aine.

Warekaia Iteraera 36:5

Ma ngaia are, e tuangiia aomata Moote te b'ai are E taekinna te UEA: A eti aia taeka m'anen te baronga are Manate aikai.

Warekaia Iteraera 36:6

N na kariaia natin Terobeata aine b'a a na iein ma mm'aane, ma a na ti iein ma m'anen te kaainga teuana man te baronga are Manate.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

Iotua 17:4

A m'ananga n te taina natin Terobeata ake aine ni kawara Ereata are te ibonga, ma Iotua are natin Nuun, ma taan kairiri, ao a taku, “E taku ngkoa te UEA nakon Moote b'a ko na anganiira abara n ai aroia ara utu m'aane.” Ma ngaia are e kakoroa nanon ana taeka te UEA Iotua anne ao e karekei abaia natin Terobeata ake aine n ai aroia aia utu ake m'aane.