Warekaia Iteraera 27:17 - Te B'aib'ara

¹⁷ A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

Warekaia Iteraera 27:17 ပူးပေါင်းရင်းမြစ်များ

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

1.Uea 3:7

Te UEA ae te Atua, bon am Toro ngai, ao Ko karikai b'a te uea i mwiin tamau. Ma I bon rangi ni uarereke ma ni karako au atatai n te m'akuri ni kairiiri.

2.Uea 11:8

Kam na kakoaua raoi b'a kam iririia nako n taabo ike e nako iai, ao n tatauraoi n anai ami kabaang ma n tiringa ane e na kataia ni kaaniia.

2.Rongorongo 1:10

tamau, ao ko na anganai te wanawana. Anganai te rabakau ae I kainanoia i bukin nakoau ni uea i aon am botannaomata ae korakora aei.

2.Rongorongo 18:16

Ao e taku Mikaia, “I nanon te kaotioti I nooria tautian Iteraera aika a tiotionako, ma ni m'arua i aon taian tabuki n ai aroia tiibu aika akea aia tia kaawakini tiibu. Ao e taku te UEA, “Bon akea aia tia kairiiri te taanga ni buaka aei. A riai n okiri mwengaia ma n aki buaka.”

Etekiera 34:5

Ai ngaia are, a maaenako nakon taabo nako, ao a buakanaki mani kanaki irouia maan aika a aki manana.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 10:6

ma, kam na nakoia Iteraera ake a tia n riki b'a kaanga tiibu aika bua.

Mataio 15:24

Ao Ngaia E kaekaia ni kangai, “I kanakoaki nakoia ti tiibu ake a bua ake Iteraera.”

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

Te Tua-Kaua 31:2

E a koro ngkai 120 au ririki ni maiu, ao I a aki tau n riki b'a te tia kairiiri iroumi. Ao i rarikin anne, E a tia n tuangai te UEA b'a E aki kariaia b'a N na ri nanon te Karaanga are te Ioretan.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Tamuera 18:13

Ao Tauro, e karika Tawita b'a mataniwiin te taanga ni buaka ae teuana te ngaa kaaina ao e kanakoa b'a a na buaka.

1.Tamuera 8:20

Ti tangira te uea b'a e na tautaekaniira ma ni kairiira nakon te buaka.”