Warekaia Iteraera 26:53 - Te B'aib'ara

⁵³ “Ko na tib'a te aba are Kanaan i aoia baronga aikai. Anga te tib'a ae buubura nakon te baronga ae buubura, ao angan te baronga ae uarereke tib'ana ae uarereke,

Warekaia Iteraera 26:53 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

1.Rongorongo 16:18

ngke e kaangai, “N na anganiko te aba are Kanaan.”

Taian Areru 105:44

Ao E anganiia aaba ake abaia botannaomata tem'angina, Ao E anganiia naba aia b'ai nako ake uaani mwin aia m'akuri:

Taian Areru 49:14

A motikaki bukiia b'a a na mate n ai aroia tiibu; E na riki te mate b'a te tia kawakinia n ai aron te tia kawakin-tiibu, are na kairiia nakon te ruanimate. A na tauaki aroia n te ingabong irouia akana raoiroi, ngkai a waekoa ni mka rab'ataia n te ruanimate, ike e raroa nako mani mwengaia.

Etekiera 47:22

E na riai ni b'ainaki irouia Iteraera ao ianena aika a maeka i buakoia ake a bungiaki natiia i Iteraera. A riai n aranaki ianena aikai b'a bon Iteraera, ao e na reke naba

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Warekaia Iteraera 26:52

Ao E taku te UEA nakoni Moote,

Warekaia Iteraera 26:54

b'a a aonga ni m'aiti riki abaia baronga ake a buubura nakon baronga ake a uarereke.

Warekaia Iteraera 33:54

N na kaota nako imi aron tib'atib'aakin te aba i aoia baronga, ni kaineti ma m'aitin taian kaainga n ami baronga n tatabeua nako.

Mataio 5:5

A a kab'aia akana a nimamamanei b'a a na abana te aba.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 11:23

A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.

Iotua 14:1

Aio rongorongon tib'aakin aaba ake i maeaon te Ioretan nakoia aomatan Iteraera. Ao a tib'ai aaba i aoia te botannaomata are Iteraera teuare Ereata are te ibonga, ma Iotua are natin Nun, ao mataniwiia utu man te baronga are Iteraera.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”