“Ko na tib'a te aba are Kanaan i aoia baronga aikai. Anga te tib'a ae buubura nakon te baronga ae buubura, ao angan te baronga ae uarereke tib'ana ae uarereke,
Ao e a taetae Moote nakoia aomata ni kaangai, “A na reke i roumi aaba akana i nanon taian tia akanne. A na riki b'a ami b'ai, ma E a tia te UEA ni mwiokoingkami b'a kam na tib'aia nakon ruaiwa ma te itera te baronga.
A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.
E a karaoaki te katekeraoi i bukin tib'aan abaia barongan Iteraera ake ruaiwa ma te iterana, i maeaon te Ioretan n ai aron ana mwioko te UEA nakon Moote
