Warekaia Iteraera 25:5 - Te B'aib'ara

⁵ Ao e tuangiia aobitian Iteraera Moote ni kaangai, “Kam na tiringiia mm'aane ake a taromauriia B'aara.”

Warekaia Iteraera 25:5 ပူးပေါင်းရင်းမြစ်များ

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

Te Otinako 18:21

Ma i rarikin anne, ao ko riai n rineia mm'aane aika konab'ai b'a taani kairiiri i bukiia aomata. Rineia taani kairiiri i bukiia tengaun, nimangaun, tebubua ao teuana tengaa, aika koraki aika mamaka te Atua aika a kakaonimaki, ma n aki b'ab'aina te babakanikawai.

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Warekaia Iteraera 25:3

Ao E un te UEA irouia Iteraera i bukina ngke a taromauriia te anti are B'aara Beore.

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

Te Tua-Kaua 13:15

ao kam na anai ami kabaang ma n tiringiia ni kabane, ni ikotaki naba ma aia nanai ni man ni kabane.

Te Tua-Kaua 13:6

Ane na manga kaangai temanna nakoimi, Ti nang taromauriia anti riki tabeman. E aoria naba ngkana raoraomi, ke tarimi, ke m'anemi, ke natimi te m'aane, ke natimi te aine, ke buumi ae kam rangi n tangiria, ma kam na bon aki ongo naba i rouna. Bon akea temanna te aomata ae kam na ongo i rouna ae taekin baikai. Ma kam na karebanaa te aomata anne ni ua matena n taian atiibu. Boni ngkami moa aika kam na moan kareia, ao i mwiina, a na kabanea te m'akuri aomata te korakina. Kam na bon aki kaota te nanokawaki. Bon akea te b'ai ae a tia ni karaoia nakoimi ke nakoia ami bakatibu antiia botannaomata tabeua. A na kataia ni katokaa taromaurian te UEA are kamaiungkami man te toronaki i Aikubita aomata akana a tuangkami b'a kam na taromauriia anti riki tabeman. Ma ngaia are, kam na tiringiia aomata akana a tuangngkami b'a kam na taromauriia anti riki tabeman.

Iotua 22:17

Kam aki uringa ara bure nakon te UEA ngkoa i Beore are e katuuaira iai n te aoraki ae rangi ni kakamaaku, ao kam aki mwimwinikora? E bon tuai totoki raoi mwiin arei ao kam a manga moana naba ami aki ongotaeka?