Warekaia Iteraera 25:2 - Te B'aib'ara

² Ao a kaoiia mm'aanen Iteraera aine aikai nakon taian botaki ike e anga te aba iai taiani karea nakon antiia. Ao a kang taian iriko mm'aane ake a reke man taiani karea, ao a taromauri antin Moaba.

Warekaia Iteraera 25:2 ပူးပေါင်းရင်းမြစ်များ

1.Uea 19:18

Ma boni iai 7,000 m'aitiia Iteraera aika a rawa n taromauriia B'aara, ao boni ngaiia aika a na maiu.

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Te Otinako 23:24

Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Te Otinako 32:6

Ao a uti m'aaka aomata n te ingabong are i mwiina ao a tiringi tabeman taiani man ake a na kamanenaaki i bukin te karea ao tabeman i bukin te am'arake. Ao i mwiina, a bane n am'arake aomata ma ni mooi ni katibutauaia ao ni kakoroia n te aro are a riki b'a kaanga maan aika aki manana.

Ieremia 40:11

I nanon te tai anne, a bane n ongo Iteraera ake a mena i Moaba, Ammon, Etom, ao n aaba ake tabeua ae e a tia uean B'aburon ni kariaia tabeman Iteraera b'a a na tiku i Iuta ao e karika Ketaria b'a aia tia tautaeka.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

1.I-Korinto 10:20

I aki, ma ae I nanonna: b'a baike a anga beekan b'a aia karea a anga nakoia taimonio, ma tiaki nakon te Atua; ao I aki tangiringkami b'a kam na buokanib'ai ma taimonio.

Te Tua-Kaua 32:38

Kam kareana te wain nakoia ma ami karea ake kabanea n raoiroi. A aki kona ni buokingkami atua aikanne ke ni kamaiungkami?

Iotua 22:17

Kam aki uringa ara bure nakon te UEA ngkoa i Beore are e katuuaira iai n te aoraki ae rangi ni kakamaaku, ao kam aki mwimwinikora? E bon tuai totoki raoi mwiin arei ao kam a manga moana naba ami aki ongotaeka?

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.