Warekaia Iteraera 24:9 - Te B'aib'ara

⁹ Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

Warekaia Iteraera 24:9 ပူးပေါင်းရင်းမြစ်များ

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 49:9

Bon te raian ngkoe Iuta, E tiringiia konana, ao e uotia nakon b'angana, E aroria ni wene. Bon akea ae kona n aki karaua.

1.Uea 10:20

tokin te kaintam'arake are onoua m'anekana ni iterana ake uoua. Bon akea te kaintokanuea n te aonnaba ae ai aron ana kaintokanuea Toromon.

2.Rongorongo 9:18

Bon iai naba nangoan te wae ae te koora ae e nim ma ngaia, ao iai naba kaintokan te bai i rarikina ake uoua. Bon iai naba bannan te raian i angaatain ao angamaingin ana kaintokanuea,

Etita 6:13

Ao e tuanga buuna ma raoraona te b'ai are e riki nakoina. Ao a taku raoraona ma buuna nakoina, Bon te Iutaia Morotekai ao e tabe n anaa korakoram, ao ko bon aki kona n tokanikai i aona. E na boni konako.

Iobi 41:10

E rangi ni kakamaaku ngkana e un, bon akea ae kona ni kaaitaraa.

Taian Areru 122:6

Ierutarem, ti na tataro b'a ko aonga n rau: ao a na bane n tekeraoi akana tangiriko.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Te Otinako 23:22

N na riki b'a te kairiribai ae tiritiri nakoia ami kairiribai ngkana kam ongotaeka raoi nako ina.

Itaia 31:4

E taku nako iu te UEA are Moan te M'aaka, “N na bekorara ao ni buakaniia kaanga te raian ae e aki konaa ni maaku ae e aki konaa ni kubanako n takaaruaia taani kaawakin tiibu ake a kataia ni kaawakiniia aia nanai n tiibu. Ao anne arou n roko n ruo ma ni buakaniia i aon te Maunga are Tion.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Warekaia Iteraera 22:6

Ti aki kona n tokanikai i aoia b'a a korakora riki nako ira, ma ngaia are, I a butiiko b'a ko na nakomai n anga am katekebuaka nako ia. E na mena ngkoa, ao ti a ti kona naba ni kakioia nako. I kakoaua b'a ane e kakab'aiaki, ao e na bon tokanikai, ao ane e katekebuakaia, ao e na boni konaaki.

Warekaia Iteraera 23:24

Kaanga ai aroia raian aika a tauraoi nakon te buaka, ao a bon aki kona ni motirawa ni karokoa a tia ni kab'auta konaia.”

Warekaia Iteraera 24:10

Ao ngke ongo aei B'araka, ao e rangi n un, ao e orea baina ao e taku, “I weteiko n nako mai b'a ko na katekebuakaia au kairiribai, ma ngkoe, ko kakab'aiaia tenua te tai.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

M'akuri 9:5

E kaeka Tauro ao e taku, “Te UEA, antai Ngkoe?” Ao E taku te UEA, “Bon Iesu Ngai ae ko b'ainikirinai,”

Te Tua-Kaua 30:7

Ao i mwiina. E na kanakoa te maraia te UEA ae Atuami mai i aomi ma ni manga kab'aka i aoia ami kairiribai aika riribaingkami ma ni buakaningkami.