Warekaia Iteraera 24:7 - Te B'aib'ara

⁷ A na rikirake ni maiu raoi kanoam kaanga aron taiani kai n am'arake i rarikin te karaanga n ran. E na tautaeka am uea ma te m'aaka ao e na riki b'a te uea ae korakora riki nakon Akaaka are kaain Amareka.

Warekaia Iteraera 24:7 ပူးပေါင်းရင်းမြစ်များ

2.Tamuera 5:12

Ao e ataia Tawita b'a bon te UEA ae e karikia b'a te uea i aon Iteraera ao E a tia ni karikia b'a te tia tautaeka ae e korakora i bukin karaoan te raoiroi nakoia ana aomata.

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 5:1

A iraorao ngkoa uean Turo ma taman Toromon are Tawita. Ao ngke e a ataia Iram b'a e a uea Toromon, ao e a kanakoia tabeman ana aobitia ni kawara Toromon.

1.Rongorongo 14:2

E ataia ngkai Tawita b'a e a tia te UEA ni karikia b'a te uea ae e korakora i aon Iteraera i bukin aia raoiroi ana aomata.

Etira 4:20

Ao taian uea aika a korakora aika a tia n tautaekana te m'akoro Maeao mai Ierutarem, a tia n rikorikoi taian taekiti n aekakiia nako.

Etita 3:1

Ao n te tai ae e aki maan, ao te uea e karikirakea Aaman nakon te nakoa ni buraim minitita. Teuae Aaman bon natin Ammetata, are kanoan Akaaka, are uean Amareka are aia kairiribai ngkoa tibun Iteraera.

Taian Areru 18:43

Ko kamaiuai mairouia aomata akana rawa n ongeaba nakoia taan tautaeka, Ao Ko katautaekaai i aoia botannaomata; ao a riki b'a au toro

Taian Areru 68:26

Kam na neboa te Atua n aia tai ni bootaki ana Aomata; Neboa te Uea, ngkami akana kam riki mairoun Iteraera!

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 89:27

N na karikia b'a natiu ae te karimoa, ae te kabanea ni kakannato i buakoia uea.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Itaia 30:25

Ane a na tiringaki aomata ma n uruakaki taian taua n te bong arei, ma a na raanga taian karaanga n ran man taian tabuki ao maunga aika a rietaata.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 51:13

Kaain B'aburon, kam maeka i mataniwiin te Karaanga are Iuberetiti ao kam katobibiaki n taiani kanare. Kam kaub'ai, ma e a roko te tai are kam na mate iai.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Warekaia Iteraera 24:20

“Ao I noora te kaotioti i bukiia kaain Amareka: E korakora aia botannaomata, ma ane a na mauna nako n te bong teuana, n aki manga nooraki.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 17:1

Ao e roko temanna mai buakoia anera ake itiman ake iai i rouia boora ake itiua, ao a taetae nako iu, ni kaangai, “Mai ikai; N na kaota nako im motikan taekan te kabekaau are kakannato are tekateka i aon raan aika bati;

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.