Warekaia Iteraera 24:1 - Te B'aib'ara

¹ E boni kakoaua B'araam b'a E na manga bon tuangaki iroun te UEA b'a e na kakab'aiaia riki Iteraera. Ma ngaia are, e aki kamanena te tabunea i bukin kakaean nanon te UEA n te b'ai ae na karaoia n aron n ana moan ma ana kauoua n tai, ma ngaia are, e tara nanon te rereua

Warekaia Iteraera 24:1 ပူးပေါင်းရင်းမြစ်များ

Warekaia Iteraera 22:13

Ao e taku B'araam nakoia ana aobitia B'araka, “Naako okira ami auti. E taku te UEA b'a N na aki iringkami.”

Warekaia Iteraera 22:7

Ao a m'ananga taani kairiri mai Moaba ao Miria, ao a uota aia m'ane b'a a na kabooa B'araam n ana m'akuri. Ao ngke a roko n ana auti, ao a tuangnga ana rongorongo B'araka.

Warekaia Iteraera 23:15

Ao e taku B'araam “Ko na taningaai riki i rarikin am baonikarea. N na nako ikekei b'a E na kaoti iai te UEA nako iu.”

Warekaia Iteraera 23:20

Akea riki te b'ai ae I kona ni karaoia i rarikin mwiokoau mai Rouna are te kakab'aiaia aomata aikai. I aki kona ni bita te b'ai are a tia ni karaoia.

Warekaia Iteraera 23:23

Bon akea te tabunea teuana ae kona n totokoia. Bon noora te b'ai ae E a tia ni karaoia te Atua nakoia Ana aomata.

Warekaia Iteraera 23:28

Ma ngaia are, e kaira B'araam nakon te Maunga are Beore, are kaaitaraa te rereua are i meangin Taari are Mate.

Warekaia Iteraera 23:3

Ao e taku B'araam, “Taningaai ikai i rarikin am karea aikai b'a N na kaokoroai moa n te tabo teuana, b'a E na kaoti te UEA nako iu. Ngkana E kaoti, ao n na tuangko b'aai ni kabane aika E taekin.” Ao e a nako.

Warekaia Iteraera 23:30

Ao ngke e a tia B'araka ni karaoi baike e tuangaki iroun B'araam ao e a kareana temanna te kaomm'aane, ao temanna te tiibu mm'aane i aon taiani baonikarea n tatabeua nako.

Warekaia Iteraera 31:16

Boni ngaiia naba aika ongotaeka nakon ana babaaire B'araam ao e kaoiia ara aomata b'a a na taromauriia te anti are B'aara Beore. Ao bon anne bukina ae katuaaira iai te UEA n tiringiia ara aomata aika m'aiti.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.

1.Tamuera 24:20

Ngkai I bon ataia b'a ko na uea i aon Iteraera ao e na reitinako te abanuea anne i aan am tautaeka.

1.Tamuera 26:2

E kawaekoa Tauro ni m'ananga ma ana taanga ni buaka aika a bane aroia aika 3,000 nakon rereuan Tib'a ni kakaaea Tawita,

1.Tamuera 26:25

Ao e taku Tauro nakon Tawita, “E na kakab'aiako te Atua natiu ae Tawita! Ko na bon tekeraoi ni b'aai ni kabane akana ko na karaoi!” Ma ngaia are, e toua nako kawaina Tawita, ao E okira mwengana Tauro.