Warekaia Iteraera 23:14 - Te B'aib'ara

¹⁴ Ma ngaia are, e kaira B'araam nakon te katawanang ae mena i taubukin te maunga are Bitika ike a mena iai taabo n taratara nako. Ao i mwiina, e katei itiua baonikarea, ao e kareani taian kao mm'aane, ma tiibu mm'aane i aon baonikarea n tatabeua nako.

Warekaia Iteraera 23:14 ပူးပေါင်းရင်းမြစ်များ

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Warekaia Iteraera 21:20

Ao n tokina, a roko n aban Moaba, ike a manga katei maeka i rarikin te Maunga are Bitika n te m'arua are kaaitaraa te rereua are i meangin Taari are Mate.

Warekaia Iteraera 23:13

Ao e taku B'araka nakon B'araam “Nako mai b'a ti na nakon te tabo riki teuana. Tao ko na kona riki ni katekebuakaia m'akoron Iteraera ae uarereke riki nakon aei.”

Warekaia Iteraera 23:15

Ao e taku B'araam “Ko na taningaai riki i rarikin am baonikarea. N na nako ikekei b'a E na kaoti iai te UEA nako iu.”

Warekaia Iteraera 23:29

Ao e taku B'araam, “Karaoi itiua baonikarea ikai, ao uotimai nako iu itiman kaomm'aane, ao itiman naba tiibu mm'aane.”

Te Tua-Kaua 3:27

Ko na tam'arakea te Maunga are Bitika ao tara meang, maiaki, mainiku, ao maeao. Karaua taraia b'a ko na aki ri nanon te Karaanga are te Ioretan.

Te Tua-Kaua 34:1

Ao i mwiin tabeua te tai, ao e kiitan aaba ake a rinano ake i Moaaba Moote. Ao e waerake man te Maunga are Bitika nako taubukin te Maunga are Nebo, are e mena n iteran te Karaanga are Ioretan ni kaaitaraa Ieriko. Ao E kaotii taian aba ni kabane nakoina ni karokoa Kireata i meang ma te kaawa are Taan.

Te Tua-Kaua 4:49

A reke naba i nanon abaia mainikun M'aruan te Karaanga are te Ioretan ni karokoa Taari are Mate are i maiaki ni karaabeen te Maunga are Bitika.