Warekaia Iteraera 22:6 - Te B'aib'ara

⁶ Ti aki kona n tokanikai i aoia b'a a korakora riki nako ira, ma ngaia are, I a butiiko b'a ko na nakomai n anga am katekebuaka nako ia. E na mena ngkoa, ao ti a ti kona naba ni kakioia nako. I kakoaua b'a ane e kakab'aiaki, ao e na bon tokanikai, ao ane e katekebuakaia, ao e na boni konaaki.

Warekaia Iteraera 22:6 ပူးပေါင်းရင်းမြစ်များ

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

1.Uea 22:13

Ao i mwiina teutana ao e a taku te aomata are e nako ngkoa ni kawaekoa Mikaia ao e wiirikiriki nakon Mikaia ni kaangai, “Noria a bane taiani burabeti n taekina te rongorongo ae e raoiroi nakon Aaba. Ma ngaia ae, ko na nako ngkai ao ko na taekina naba ae aekakin arei.”

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

Neemia 13:2

E riki aei i bukina ngke a rawa n anga te am'arake ma te ran nakoia Iteraera ao a tia ni kabooa B'araam b'a e na kamaraiaia. Ma e ngae n anne, ao e a tia Atuara n onika te kamaraia nakon te kakab'aia.

Taian Areru 109:28

Aia b'ai te karereanti, ma am b'ai te kakab'aia. A bia konaaki aoia aiau, ngkana ana ewekai ao ngai ae am Toro, I bia kukurei!

Taeka n Rabakau 26:2

Te kamaraia ae bon tiaki mwiin am m'akuri e na anai baina ni kiba ma ni kiba nako kaanga te tibaro ke te tuwaaro.

Etekiera 13:6

A taekina te kewe burabeti aikai ngke a taku b'a a taetae i buku, ma I bon tuai rineia b'a au burabeti. A taku b'a e na koro bukin aia taeka.

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Warekaia Iteraera 22:17

ao ko na kabooaki n te bo ae raoiroi, ao a na karaoaki b'aai ni kabane akana ko bubuti iai. Taiaoka ma nakomai katekebuakaia aomata aikai.”

Warekaia Iteraera 23:13

Ao e taku B'araka nakon B'araam “Nako mai b'a ti na nakon te tabo riki teuana. Tao ko na kona riki ni katekebuakaia m'akoron Iteraera ae uarereke riki nakon aei.”

Warekaia Iteraera 23:27

Ao e taku B'araka nakoni B'araam “Nako mai ti na kataa riki te tabo teuana. E na mena ngkoa, ao E na kariaia te UEA b'a ko na katekebuakaia Iteraera man te tabo arei.”

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

M'akuri 16:16

Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

Te Tua-Kaua 23:4

E riki aei nakoia i bukina b'a ngke kam otinako mai Aikubita, ao a aki karekei kanami ma nimam, ao i rarikin anne, a kabooa naba B'araam b'a e na katekebuakaingkami.

Iotua 24:9

E buakani ngkami naba uean Moaba are B'araka are natin Tibore. E kanakoa ana taeka nakon B'araam are te burabeti are natin Beora te m'aane b'a e na karereanti ngkami.

1.Tamuera 17:43

Ao e taku Koria, “Ko nakomai ma te kai b'a ko taku b'a te kamea ngai?” Ao e kamaraia Tawita n aran atuaia kaain Biritia