Warekaia Iteraera 22:34 - Te B'aib'ara

³⁴ Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.

Warekaia Iteraera 22:34 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

1.Rongorongo 21:7

E un te Atua n ana babaaire Tawita i bukin warekaia aomata, ao e katuaaia Iteraera.

Taian Areru 78:34

N taai ake E kamateia iai tem'angina i buakoia, Ao a rairaki ngkanne ake nikiraia nakoina; A raraoma ao a tataro ma nanoia ni koaua nakoina.

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Taeka n Rabakau 24:18

B'a ane e na nooria te UEA ao e na nanokawaki iai. Ao ane e na toki unna irouia.

Warekaia Iteraera 11:1

Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.

Warekaia Iteraera 14:40

Ma ngaia are, a utim'aaka n te bong are i mwiina, ao a katauraoia ni m'ananga nakon te aba are tabukibuki are i Kanaan. Ao a taku, “Ti boni bure ngke ti ngurengure iroun te UEA. Ti a nako nakon te aba are E a tia ni berita iai nako ira.”

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Warekaia Iteraera 22:33

Ngke tao arona b'a e aki noorai te aati ma n toki tenua te tai, ao N na bon tia ngkai n tiringko, ao I kamaiua te aati.

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”

1.Tamuera 24:17

Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”