Warekaia Iteraera 22:12 - Te B'aib'ara

¹² Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Warekaia Iteraera 22:12 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

2.Rongorongo 31:10

Ao e kaeka Ataria are te ibonga ae e rietaata n te tai anne, are ana kariki Tatoka, ao e taku, “A tia ni uoti mai nakoira aia angab'ai aomata man te tai arei ni karokoa ngkai, ao e a bon rangi ni m'aiti te am'arake ma b'aai. E a tia te UEA ni kakab'aiaia ana aomata. Ani bon tarai nikiraia!”

Taian Areru 144:15

E a kab'aia te botannaomata ae a noraki baikai ni maiuna b'a a koaua; E a kab'aia te botannaomata ae Atuana te UEA.

Taian Areru 146:5

E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Warekaia Iteraera 22:11

b'a a na butiai b'a N na nako Moaba ni katekebuakaia aomata ake a mena ikekei, aika roko mai Aikubita.

Warekaia Iteraera 22:13

Ao e taku B'araam nakoia ana aobitia B'araka, “Naako okira ami auti. E taku te UEA b'a N na aki iringkami.”

Warekaia Iteraera 22:6

Ti aki kona n tokanikai i aoia b'a a korakora riki nako ira, ma ngaia are, I a butiiko b'a ko na nakomai n anga am katekebuaka nako ia. E na mena ngkoa, ao ti a ti kona naba ni kakioia nako. I kakoaua b'a ane e kakab'aiaki, ao e na bon tokanikai, ao ane e katekebuakaia, ao e na boni konaaki.

Warekaia Iteraera 23:23

Bon akea te tabunea teuana ae kona n totokoia. Bon noora te b'ai ae E a tia ni karaoia te Atua nakoia Ana aomata.

Warekaia Iteraera 23:3

Ao e taku B'araam, “Taningaai ikai i rarikin am karea aikai b'a N na kaokoroai moa n te tabo teuana, b'a E na kaoti te UEA nako iu. Ngkana E kaoti, ao n na tuangko b'aai ni kabane aika E taekin.” Ao e a nako.

Warekaia Iteraera 23:8

Ma I bon aki kona n ekaanako te Atua! E tuai ni katekebuakaia Iteraera, ke ni kabuakakaia.

Warekaia Iteraera 24:9

Kam wene kaanga raian, aika katoki kuaia i mwiin uniia Iai ae kona n aki karauingkami? A na kakab'aiaki akana kakab'aiaingkami A na katekebuakaaki ane katekebuakaingkami.”

Mataio 27:19

Ngke e tekateka Birato n ana tabo are e momotiki taeka iai, ao e kanakoa ana rongorongo buuna nako ina, ae kangai, “Akea te bae kam na karaoia nakon te aomata ane raoiroi anne, b'a I miia ngke e tairiki ao I aki rau iai.”

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Te Tua-Kaua 23:5

Ma E tangiringkami te UEA ae Atuami, ao E aki kan ongo iroun B'araam, ao E a manga onika ana katekebuaka B'araam nakon te kakab'aia.

Te Tua-Kaua 28:6

E na kanakoraoi ami m'akuri akana kam kakaraoi n te bong koraki.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

Te Tua-Kaua 7:14

E na kakab'aiaingkami riki te Atua nakoia botannaomata tabeua--a na rikirake ami utu, ao a na rikirake ni m'aiti ami nanai ni man.