Warekaia Iteraera 21:7 - Te B'aib'ara

⁷ Ao a nakon Moote tabeman aomata, ao a taku, “E boni bure arora ngke ti ekiko nako ma te UEA. Ma ti a butiiko b'a ko na bubutiia b'a E na kanakoia naeta aikai.” Ao e tataro Moote,

Warekaia Iteraera 21:7 ပူးပေါင်းရင်းမြစ်များ

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

2.Uea 13:4

E tataro Ieoaati nakon te UEA i bukin buokaia, ao e noora kamamaten ana m'akuri Ataera nakoia Iteraera te UEA. Ao e kaeka Ieoaati

Iobi 42:10

Ao i mwiin ana tataro Iobi i bukiia raoraona ake teniman, ao E a manga kakab'aia Iobi te UEA, ao E a manga anganna uoua te tai okiokin ana b'ai ake mai m'aaina.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Taian Areru 78:34

N taai ake E kamateia iai tem'angina i buakoia, Ao a rairaki ngkanne ake nikiraia nakoina; A raraoma ao a tataro ma nanoia ni koaua nakoina.

Te Otinako 10:17

Kam na kab'araa riki au bure te kabanea n tai ao tataro b'a E na uota nako te karekekai ae rawata te aba iai aei mai rou.”

Te Otinako 32:11

Ao e kataia Moote ni butiia te UEA ae te Atua b'a E na bita nanona: Ara UEA. Ko kamanenaa ngkoa korakoran m'aakam ni kaotinakoia aomata aika mai Aikubita. I butiko b'a Ko na aki un i rouia ngkai ma ni karaoi taekaia.

Te Otinako 32:30

N te bong are i mwiina, e tuangiia aomata Moote ni kaangai, “Kam a tia ni karaoa te bure ae moan te kakamaaku. Ma N na nako ni kawara te UEA ni kakaaea te anga ae na konaa ni kab'araaki ami bure iai mai i roumi.”

Te Otinako 8:28

Ao e taku te uea nako ina, “N na kariaia b'a kam na nakon te rereua n anga ami karea, ngkana kam aki kararoaingkami. Ma kam a tataro naba i buku.”

Te Otinako 8:4

A na kawakawa taian biraoki i aoia aomata nako; te uea, ana aobitia, ao aomata ni kabane ake a riki b'a kaain Aikubita.

Te Otinako 8:8

Ao te uea e kanaanako ni weteia Moote ma Aaron ao e tuangiia ni kaangai, “Ngkana kam tuanga Atuami b'a e na anaia taiani biraoki aikai mai rou ao mai rouia au aomata, ao N na kariaia nakoia am aomata b'a a na anga karea nako im.”

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 37:3

Ao Tetekia e kanakoa Ieukara are natin Teremia te mm'aane ao te ibonga ae e rietaata are Teb'ania are natin Maateia te mm'aane b'a a na buubutiai b'a N na tataro i bukina ma te botannaomata nakon te UEA ae Atuara.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Warekaia Iteraera 11:2

Ao ngke a butiia aomata Moote, ao e tataro Moote, ao e mate te ai arei.

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

I-Rom 10:1

Taari, aio ae tangiraki i nanou ao au tataro nakon te Atua i bukiia Iteraera, b'a a na kamaiuaki.

Iakobo 5:16

Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”