Warekaia Iteraera 21:34 - Te B'aib'ara

³⁴ Ao E taku te UEA nakoni Moote, “Ko na aki maaka Oka, N na buokiko b'a ko na konaa ma ana taanga ni buaka, n ai aron naba are ko karaoia nako te uea are Taion, are e tautaeka i Etibon. Ko na b'aina aban Oka.”

Warekaia Iteraera 21:34 ပူးပေါင်းရင်းမြစ်များ

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

2.Uea 3:18

Ti aki ti anne te b'ai ae e uarereke ae E na karaoia te UEA. E na boni buokingkami naba ni kataenikaia kaain ana taanga ni buaka Moaaba.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

Warekaia Iteraera 32:4

Bon taian aba aika a raoiroi uteuteia, ao ngaira a rangi ni m'aiti ara nanai ni kao, ao n tiibu,

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

Te Tua-Kaua 20:3

ao e na kaangai, Tautian Iteraera, Ongora irou. Ngkana kam nako ni buaka n te bong aei, ao kam na aki maakuia ami kairiribai, ao kam na aki takakaa ngkana kam nooriia.

Te Tua-Kaua 3:1

Ao ngke ti rairaki nakon te kawai are nako Batian, ao e kaotinakoia ana taanga ni buaka ni kabane te uea are Oka ni buakaniira i Eterei.

Te Tua-Kaua 3:11

Te uea ae Oka bon te kabanea mai buakoia taian Rebaim E karaoaki man te b'a ae roro ae matoatoa, ao bon 13.5 te buuti ab'akina ao 6 te buuti rababana.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

Te Tua-Kaua 7:17

Tao kam na kaangai, Ti na kanga n tiringiia botannaomata aikai? A korakora riki nakoira.

Te Tua-Kaua 7:18

Ma kam na katoka te raraoma. Kam na ti uringa te b'ai are karaoia te UEA ae Atuami nakon uean Aikubita.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

Iotua 10:25

Ao e a manga taku Iotua nakoia ana aobitia, “Kam na tai maaku, ao tai koerikaaki. Kam na korakora ao kam na ninikoria, b'a bon aio te b'ai ae E na karaoia te UEAnakoia ami kairiribai ni kabane.”

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 8:7

Ao kam na kawaekoai ngkami n otinako man te tabo are kam karabai ngkami iai ao kam na niniia te kaawa ma n taua. E na anga te kaawa te UEA ae Atuara nako nanoni baimi.

Tani Motiki-taeka 11:30

e berita iai nakon te UEA ni kaangai,

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”