Warekaia Iteraera 21:18 - Te B'aib'ara

¹⁸ A tia taani kairiri ni kotea te tabo ike ti na kena iai te m'anib'a n tabon aia kainuea. A kiitana te rereua Iteraera, ao a katei maeka i rarikin te kaawa are Matana,

Warekaia Iteraera 21:18 ပူးပေါင်းရင်းမြစ်များ

Neemia 3:1

Aikai aomata ake a buoka manga katean oon ao Mataroan nako Ierutarem: Te ibonga ae e rietaata are Eriatiba ao ibonga ake tekorakina a manga katea te Mataroa are Tiibu ao a katinetinei mataroana. Ao i mwiina, a katabua te Mataroa are Tiibu ao m'akoron te oo ni karokoa te Taua are Tebubua ao te Taua are Ananera.

Neemia 3:5

E na manga onob'aiaki te m'akoro are i mwiina irouia m'aane mai Tekoa, ma a rawa aia taani kairiiri man aia kaawa ni karaoa te m'akuri ae e rawaawata are a anganaki b'a tib'angaia.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Warekaia Iteraera 21:17

Bon anne naba te tabo are a anenea iai te kuna aei Iteraera: Ti na karaoa ara botaki ni kukurei! E a tia te m'anib'a aei n anganiira te ran.

Warekaia Iteraera 21:19

ao i mwiina, a manga katei maeka i Naariera, ao i mwiina Bamota.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Te Tua-Kaua 33:4

Ao I tewea te bowi irouia barongan Iteraera ma n anganingkami ana Tua te Atua.

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

Iakobo 4:12

Ti temanna te tia karaoa te Tua, ao te tia motiki-taeka, ae e kona te kakamaiu ma te kamamate; ma antai ngkoe ngkai ko motika taekan raom?