Warekaia Iteraera 20:8 - Te B'aib'ara

⁸ ao tuanga te b'a anne b'a e na anganiko te ran. Ao anne arom ni karekea te ran nako ia Iteraera ma aia nanai ni man.”

Warekaia Iteraera 20:8 ပူးပေါင်းရင်းမြစ်များ

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

Neemia 9:15

Ngkana a baki, ao Ko kanakoa te kariki mai karawa, ao ngkana a taka, ao Ko katiinakoa te ran man te b'a. Ao i mwiina, Ko tuangiia b'a a na taua te aba are Ko a tia ni karaoa am berita ae e matoa iai.

Taian Areru 105:41

E katabwena te b'aa, ao e ti nako te ran, Ao e raanga nako nanon te rereua b'a kanga te karaanga.

Taian Areru 114:8

Are onika te b'aa b'a te neinei n ran, ao te atibu b'a te koburakenran.

Taian Areru 33:9

B'a E taetae, ao e riki aonnaba; E tua, ao a riki b'aai.

Te Otinako 14:16

Tabekaarake okom, ao aroria i aon taari. Ane e na bwenauaaki taari, ao a na kona Iteraera n nakonako i nanon taari i aon te tano ae m'au.

Te Otinako 17:9

Ao e taku Moote nakon Iotua, “Kairiia tabeman mm'aane b'a kam na buakaniia kaain Amareka ningabong, ao n tei i aon taubukin te tabuki ma n taua te oko are tuangai te UEA b'a n na uotia.”

Te Otinako 4:17

Ko na uouota ngkai te oko aei; b'a ko na karaoi taian kakai mai iai.

Te Otinako 4:2

Ao e kaeka te UEA ni kaangai, “Tera ane i nanon baim?” Ao e taku Moote, “Te oko.”

Te Otinako 4:20

Ma ngaia are, e katokaia buuna ma natina Moote i aon te aati ao e m'ananga ni kaineta Aikubita, ma okona i nanon baina are e mena iai m'aakan te Atua.

Te Otinako 7:20

Ao a ongotaeka Moote ma Aaron iroun te UEA. E taua okona Aaron, ao i mwiina, e orea iai te Naire, ngke a bon mataku te uea ma ana mataniwi nako. Ao e onikaki te karaanga nakon te raraa,

Itaia 43:20

A bane maan aika a aki manana ni karineai, ao ni karokoa naba taian tiakaore ao taian aure. I katauraoa te ran n taian rereua taian karaanga n ran n aaba aika a m'autakataka i bukiia au aomata aika a rineaki.

Itaia 48:21

E kairiira i nanon te rereua ao e karaanga nako te ran man te b'a ni katoki nanoia aika a taka.

Warekaia Iteraera 20:11

Ao e tabeka okona i eta, ao e orea te b'aa uoua te tai, ao e a rina naba n tiinako te ran man te b'aa, ao e a reke nimaia aomata ma aia nanai ni man.

Warekaia Iteraera 20:7

ao E taku, “Anaa okom Moote. Ao i mwiina, kam na weteia Iteraera ni botiia ngkoe ma Aaron,

Warekaia Iteraera 21:15

ma taiani m'arua are wene i aon tian abaia kaain Moaba, ma n roota te kaawa ae Are.

Warekaia Iteraera 21:18

A tia taani kairiri ni kotea te tabo ike ti na kena iai te m'anib'a n tabon aia kainuea. A kiitana te rereua Iteraera, ao a katei maeka i rarikin te kaawa are Matana,

Mataio 21:21

E kaekaia Iesu ao E taku, “E koaua ae I a tuangngkami b'a ngkana iai ami onimaki ao kam aki nanokokoraki, ao kam kona ni karaoa ae e karaoaki nakon te biku aei; ao tiaki ti ngaia, ma ngkana kam kangai nakon te maunga aei, Ko na tabekaki nako n teweaki nako marawa, ao e a karaoaki naba.

Ruka 11:13

Ngkai kam ata te angania natimi, ngkami aika kam buakaka, baika raraoi, ao tiaki e m'aiti riki iroun Tamami are i karawa te kan anga te Tamnei are Raoiroi nakoia akana butiia!

Ioane 16:24

Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

M'akuri 1:14

A aki toki uakekei ni kabaneia ni kakaonimaki ni bobotaki n tatataro, ma aine, ma Nei Maria are tinan Iesu, ma tarin nako Iesu.

Iotua 6:20

Ma ngaia are a katanga aia buu ibonga, ao a takaarua aomata ni kanenei b'anaaia, ao e rina ni b'aka oon te kaawa ni katab'aninna, ao a bane ni m'ananga ana taanga ni buaka Iotua n tam'arakea te tabuki are e tei iai te kaawa, n niniia ma n taua.

Iotua 6:5

N tokin te kaitiua ni katobibi ao a na katanga te buu ni kamaana tangina. Ao n te tai naba are kam ongo iai anne, ao kam na bane n takaarua ni kanenei b'anaami, ao e na rina ni b'aka oon te kaawa. Ao kam na bane n rin ni kaineta nanon te kaawa.”

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.