Warekaia Iteraera 20:6 - Te B'aib'ara

⁶ Ao e nako Moote ma Aaron nako matan te Um'antabunrianna, ao a bobaraaki. Ao E kaoti te UEA nako ia ma mimitongina ae moan te korakora,

Warekaia Iteraera 20:6 ပူးပေါင်းရင်းမြစ်များ

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Te Otinako 16:10

Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote.

Te Otinako 17:4

Ao e kakorakora Moote n tataro nakon te UEA ao e taku, “Tera ae N nang karaoia nakoia aomata aikai? Ae a kaan karebanaai n taian atiibu.”

Warekaia Iteraera 12:5

Ao E kaoti te UEA n te nang ao E tuanga Aaron ma Miriam b'a a na kaaniia riki.

Warekaia Iteraera 14:10

Ao a bane aomata ni bononnanoa karebanaia Moote ma Aaron n taian atiibu ni ua mateia. Ma E karina ni kaoti te UEA n te nang i nanon te Um'antabunrianna.

Warekaia Iteraera 14:5

Ao e bobaraaki Moote n tataro i mataia aomata.

Warekaia Iteraera 16:19

Ao e anai nanoia Iteraera teuare Kora b'a a na kaaitaraia taani kairiri ake uoman akekei. Ao ngke e riki arei, ao E kaoti te UEA ma mimitongina ae moan te korakora,

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 16:4

Ao ngke e ongo taeka aikai Moote, ao e katorobubua n tataro.

Warekaia Iteraera 16:42

Ao ngke a teibabaa aomata i rarikin Moote ma Aaron, ao Moote ma Aaron a tannako ni kaaitaraa te Um'antabunrianna, ao E kaoti te UEA ma mimitongina i nanon te nang are rabuna aon te Um'antabunrianna.

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

Warekaia Iteraera 20:7

ao E taku, “Anaa okom Moote. Ao i mwiina, kam na weteia Iteraera ni botiia ngkoe ma Aaron,

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Iotua 7:6

Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.