Warekaia Iteraera 20:15 - Te B'aib'ara

¹⁵ A maeka ngkoa ara bakatibu i Aikubita, ao a maeka ikekei n te tai ae maan. Ma i mwiin te tai ae maan, ao a karaoa te m'akuri ae aki raoiroi nakoira kaain Aikubita.

Warekaia Iteraera 20:15 ပူးပေါင်းရင်းမြစ်များ

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 46:6

Ao a uoti aia nanai ni man ma aia b'ai nako ake a reke ni boni korakoraia i aoni Kanaan, ao a nako Aikubita. Ao e kairiia kanoana ni kabane Iakob'a:

Karikani B'aai 46:7

natina mm'aane, tibuna mm'aane, natina aine, ao tibuna aine.

2.Tamuera 12:18

Ao e a mate te ataei arei imwiin wenena n aoraki i nanon itibong, ao a maaku ana aobitia n tuangnga Tawita ae e a mate. Ao a taetae i bon irouia, “E a kangaa arona ngkai b'a ngke e bon maiu te ataei ao e aki kan ongo iroura, ao ti nang kanga riki ngkanne n tuangnga ae e mate natina? E mena ao e nang karaoa riki ae e rangi ni buakaka!”

Te Otinako 1:16

“Ngkana kam kabungiia aine aika Ebera, ao kam na tiringa te tei ngkana te mm'aane, ma kam na kamaiua ngkana te aine.”

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Te Otinako 12:40

A tia ni maeka Iteraera i aon Aikubita n te maan ae abubua tenibwi te ririki.

Te Otinako 5:14

Ao a kataereaki mataniwiia tooro irouia taiani b'aoti ao a taku, “E aera ngkai kam aki kairoroia tooro b'a a na karaoi buriki aika a m'aiti ngkoananoa ao n te bong aei n aron are a bon kaakaraoia mai m'aaina?”

Warekaia Iteraera 11:5

A bon toki nanora n tannaira n te ika i Aikubita, ao iai naba taian kukamb'a, meron, anian, ao taiani kaariki.

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 20:14

Ao e kanakoa ana tia uarongorongo Moote man aia tabo are a katei maeka iai i rarikin Kateti, ma ana rongorongo nakon uean Etom. Ao a kaangai, “Bon Iteraera ngaira aika bon ami koraki ni koaua. Ao ti kakoaua b'a ko a bon tia n ongo rongorongon b'aai aika buakaka ake a riki nako ira.

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

M'akuri 7:15

Ao e wairio nako Aikubita Iakob'a ma ana utu, ao a mate iai.

M'akuri 7:19

E burebureia ara koraki, ao e b'ainikiriniia ara bakatibu ni kairiia ma te matoa b'a a na kaakiia aia merimeri mani mwengaia, b'a a aonga ni mate.

Te Tua-Kaua 26:6

A rangi n iowawa kaain Aikubita nakoira ao akea naba aia tangira nakoira. A karaoi m'akuri aika buakaka nakoia ara aomata ao ni kam'akurira n aroia tooro.