Warekaia Iteraera 20:13 - Te B'aib'ara

¹³ A tia ni ngurengure aomata nakon te UEA, ao E a tia ni kaota m'aakana ae tabu ngke E anganiia nimaia te ran. Ma ngaia are, a arana te tabo arei b'a Merib'a are nanona “Ngurengure.”

Warekaia Iteraera 20:13 ပူးပေါင်းရင်းမြစ်များ

Taian Areru 81:7

Ngke kam reke n te kaangaanga, ao kam weteai ao I kamaiungkami. I buokingkami man au tabo ni karabai are n te angibuaka ma te baa. I kataingkami i rarikini koburaken raan i Merib'a.

Taian Areru 81:8

Au botannaomata, kam na ongora i Rou b'a kam kaawa ngkana kam aki; Iteraera, kam bia ira nanou n ongora irou!

Taian Areru 95:8

“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Te Otinako 17:7

Ao e aranaki te tabo arei b'a Mata ao Merib'a, i bukina ngke a ngurengure Iteraera, ao a kataa te UEA n aia titiraki ae kaangai, “E boni memena i roura te UEA ke E aki?”

Itaia 5:16

Ma e neboaki te UEA ae Moan te M'aaka, i bukina ngke e a tia ni kaotia b'a antai ngaia ngke e uota te eti.

Etekiera 20:41

Ngkana I kaokingkami man taabo ake kam uamaae nako iai, N na rangi ni kukurei iroumi, n ai aron kukureiu ni boiararan bubun ami karea. A na bane n nooria botannaomata nako n aonnaba b'a I tabu,

Etekiera 36:23

ao ni kaotia naba nakoia ianena b'a I tabu. Ao ane a na ataai iai b'a bon te UEA Ngai ae te Atua. Bon aei au taeka.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Te Tua-Kaua 32:51

Kam uaia n aki ongotaeka ni kakaonimaki nako iu n te Koburake n ran are i Merib'a i rarikin Kateti n te Rereua are Tin. Bon te Atua Ngai, ma ko aki karaoa karineau ma onimakinau i mataia Iteraera n aron are I kantaningaia.

Te Tua-Kaua 33:8

E kataingkami te UEA n taian koburakenran ake Mata ao Merib'a, te baronga are Rewi. Kam kakaonimaki, ao bon anne bukina ae e anganaki iai kanoan Rewi te m'akuri n ibonga.