Warekaia Iteraera 20:12 - Te B'aib'ara

¹² Ao E taku te UEA nakoni Moote ma Aaron, “A aki kubarai aomata i bukina ngke ko aki onimakina m'aakau. Ma ngaia are, Tiaki ngkoe, ae ko na kairiia aomata nakon te aba are I a tia ni berita iai b'a N na anganingkami.”

Warekaia Iteraera 20:12 ပူးပေါင်းရင်းမြစ်များ

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taian Areru 106:32

A kauna te UEA i rarikini koburakenran i Merib'a; Ao e reke n te kaangaanga iai Moote i bukiia:

Taian Areru 99:8

Te UEA ae Atuara, Ko ongo irouia am Aomata; E boni ngae ngke Ko kareke kaiia i bukin aia bure, Ma Ko boni kaotiko naba nakoia b'a te Atua Ngkoe ae te tia kab'ara buure.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Itaia 8:13

Bon ti Ngai ae ko riai ni maakua mani karinea. Bon te Atua ae e tabu Ngai, te Atua ae Moan te M'aaka!

Etekiera 20:41

Ngkana I kaokingkami man taabo ake kam uamaae nako iai, N na rangi ni kukurei iroumi, n ai aron kukureiu ni boiararan bubun ami karea. A na bane n nooria botannaomata nako n aonnaba b'a I tabu,

Etekiera 36:23

ao ni kaotia naba nakoia ianena b'a I tabu. Ao ane a na ataai iai b'a bon te UEA Ngai ae te Atua. Bon aei au taeka.

Etekiera 38:10

I ataia b'a ko na karaoa te iango ae e buakaka ngkana e roko te tai arei

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Warekaia Iteraera 11:15

Ngkana arom aei nako iu, ao e raoiroi riki ngkana Ko tiringai ngkai b'a e aonga n toki rawawatau!

Warekaia Iteraera 20:24

“Aaron, bon aei te tabo ae ko na mate iai. Ko a tia n aki ongotaeka i Rou ngkoe ma Moote i Merib'a, ma ngaia are, kam na aki roko n te aba are I a tia ni berita iai nakoia Iteraera.

Warekaia Iteraera 27:14

i bukina b'a kam uaia n aki ongotaeka i Rou i Merib'a i rarikin te kaawa are Kateti n te Rereua are Tin. Kam aki onimakina M'aakau ae Tabu ngke a karaoa te b'ai ae aki raoiroi nako Iu aomata ikekei.”

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Ruka 1:20

Ao noria, ane e na bua b'anaam ao ko na aki kona n taetae ni karokoa te bong are a na kakoroaki iai nanoni baikai, i bukina b'a ko a tia n aki kakoauai au taeka aika a na kakoroaki bukiia ngkana a roko taiia.”

Ruka 1:45

Ao e a kab'aia neie onimaki b'a e na kakoroaki bukin te baere taekinaki nako ina mairoun te Uea!”

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

I-Rom 4:20

Akea te aro ae e na rawa iai Aberaam ni kakoaua te taeka n akoi; ma e riki ni korakora n ana onimaki, ao e neboa te Atua,

Te Tua-Kaua 1:37

Ao E bon un naba nako iu te UEA i bukimi, ao E taku, “Moote, N na bon aki kariaia b'a ko na rin naba n te aba arei.

Te Tua-Kaua 34:4

Ao E taku te UEA, Moote, aio te aba are I taekinna ngke I berita nakoia Aberaam, Itaaka, ao Iakob'a b'a N na anganiia kanoaia. I a tia ni kaotia nakoim, ae ko na aki ri nanon te Karaanga are te Ioretan ma n rin n te aba arei.

Te Tua-Kaua 4:21

Ao E un te UEA nako iu i bukin ami taeka, ao E tuangai b'a E na aki kariaiakai n ri nanon te Karaanga are te Ioretan nakon te aba are E a tia n anganingkami.

Iotua 1:2

E taku, “E a mate au toro are Moote. Katauraoiko ngkai, ngkoe ma aomatan Iteraera ni kabane, ao ri nanon te karaanga are te Ioretan nakon te aba ae N nang angania b'a abaia.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;