Warekaia Iteraera 20:10 - Te B'aib'ara

¹⁰ Ao ngke e a tia Moote ma Aaron ni botiia aomata ni katobibia te b'aa, ao e taku, “Nooria, bon aomata ngkami aika taani kamangao. Ao kam nang noora ngkai te ran ae na tiinako man te b'aa aei!”

Warekaia Iteraera 20:10 ပူးပေါင်းရင်းမြစ်များ

Karikani B'aai 40:8

Ao a taku, “Ti kaai ni mii ni kauoman, ao bon akea temanna mai ikai ae kona ni kab'arai nanon miira.” Ao e taku Ioteb'a, “Bon te Atua ae angaanga te kona ni kab'ara mii. Karakina miimi nako iu.”

Karikani B'aai 41:16

Ao e taku, “Te uea, I aki kona ni kab'ara mii, ma E na anga nanon miim te Atua.”

Taian Areru 78:16

E katinakoi karaanga n ran man te b'aa, Ao E karaangai raan n ai aroni karaanga aika ab'ab'aki.

Te Otinako 17:6

N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.

Warekaia Iteraera 20:24

“Aaron, bon aei te tabo ae ko na mate iai. Ko a tia n aki ongotaeka i Rou ngkoe ma Moote i Merib'a, ma ngaia are, kam na aki roko n te aba are I a tia ni berita iai nakoia Iteraera.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

1.I-Korinto 3:7

Ma ngaia ae e aki kakawaki te aomata are unika te aroka, ao te aomata naba are tebotebokia; ma E kakawaki te Atua b'a Ngaia are karikirakea maiun te aroka.

I-Ebeto 4:26

Kam kona n un iroun temanna, ma a na aki riki unimi b'a kairami nakon te bure; e na aki bungi taai i aon unimi.

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.