Warekaia Iteraera 20:1 - Te B'aib'ara

¹ Ao a roko Iteraera n te Rereua are Tin n te moan nam'akaina, ao a katea aia maeka i rarikin te kaawa are Kateti. Bon arei te tabo are e mate iai Nei Miriam, ao e taunaki naba iai.

Warekaia Iteraera 20:1 ပူးပေါင်းရင်းမြစ်များ

Karikani B'aai 14:7

Ao a manga rairaki n oki, ao a okira Kateti. A taua abaia kaain Amareka ni kabane, ao a kataenikaia kaain Amora ake a maeka i Ataton Tam'aa.

Taian Areru 29:8

E m'aeiei te rereua ni b'anaan te UEA: E kam'aeieia rereuani Kateti.

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Te Otinako 2:4

Ao e teitei karimoan te ataei arei are Nei Miriam, n taua raroana mai rouna n taataraa te b'ai ae na riki nako ina.

Te Otinako 2:7

Ao e roko karimoan te ataei arei ao e taku, “Ko tangiria b'a N na kakaaea te aine ae te Ebera ae e na kaawakina te ataei anne?”

Etekiera 47:19

E na moanaki tian maiaki mai Tama, ao i mwiina, e a manga biri nakoaiaki ni wairio nakon te koburake n ran are i rarikin Meribota-Kateti. Ao e na waaki nako n ira nako tabwenan b'aan Aikubita ao e na toki n Taari are te Mereterenian.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Warekaia Iteraera 12:1

E ngae ngke bon te aomata ae rangi n nanorinano Moote nakoia aomata ni kabane n te aonnaba, Miriam ma Aaron a moanna ni ngurengureakinna,

Warekaia Iteraera 12:10

ao e mauna nako te nang mai aon te Um'antabunrianna, kunin Miriam e bitaki ni mainaina man rebera. Ao ngke e noora te b'ai ae riki nakon kunin neirei Aaron,

Warekaia Iteraera 12:15

Ao E aki roko n te kam'ainga aia maeka Iteraera te UEA ni karokoa okin Miriam i mwiin itiua te bong.

Warekaia Iteraera 13:21

Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

Warekaia Iteraera 13:26

ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

Warekaia Iteraera 20:16

Ao ngke ti bubutiia te UEA buokara, ao E kaeka ara tataro, ao E kaotinakoira man te aba arei. Ngkai ae ti katei auti n rianna n tian abam i rarikin te kaawa are Kateti.

Warekaia Iteraera 20:22

Ao i mwiina, ngke a tia ni kiitana Kateti Iteraera ao n roko n te Maunga are Ora

Warekaia Iteraera 20:28

Ao e anaa te niiniira n ibonga mairoun Aaron, ao e katoka i aon Ereata, ao e mate Aaron ikekei. Ao ngke e ruorikaaki Moote ma Ereata,

Warekaia Iteraera 26:59

are buun natin Rewi te aine are Iokebeta, are e bungiaki ngkoa i Aikubita. Natin Amram ma Iokebeta ake teniman bon Aaron, Moote, ao Miriam.

Warekaia Iteraera 27:14

i bukina b'a kam uaia n aki ongotaeka i Rou i Merib'a i rarikin te kaawa are Kateti n te Rereua are Tin. Kam aki onimakina M'aakau ae Tabu ngke a karaoa te b'ai ae aki raoiroi nako Iu aomata ikekei.”

Warekaia Iteraera 33:36

ao te kabanea Keteti.

Te Tua-Kaua 1:46

“Ao i mwiin tikura i Kaateti i nanon tabeua nam'akaina, ao ti a ongotaeka nakon te UEA, ao ti a okira te rereua ni kawain Taari are Uraura.

Te Tua-Kaua 2:14

E riki aei 38 te ririki i mwiin kiitanakin Kaatetib'aania iroura, ao n te tai naba anne are a bane n tia ni mate m'aane ni kabane ake a tia n riki b'a tautia i Kaatetib'aania, n aron are taekinna te UEA b'a e na riki nakoia.

Te Tua-Kaua 32:51

Kam uaia n aki ongotaeka ni kakaonimaki nako iu n te Koburake n ran are i Merib'a i rarikin Kateti n te Rereua are Tin. Bon te Atua Ngai, ma ko aki karaoa karineau ma onimakinau i mataia Iteraera n aron are I kantaningaia.

Tani Motiki-taeka 11:16

Ngke a roko Iteraera mai Aikubita, ao a m'ananga i nanon te rereua nakon Taari are Mate ao ni manga bo nako Kateti.