Warekaia Iteraera 2:2 - Te B'aib'ara

² aron katean aia auti n rianna: A na riai ni katei aia auti n rianna barongan Iteraera i aan aia buraeki, ao i aan naba buraekin aia utu nako. A na karauaki ni kateaki raoi aia maeka ni katobibia te Um'antabunrianna, ma a na aki rangi ni kaaniaki ma te Um'antabunrianna.

Warekaia Iteraera 2:2 ပူးပေါင်းရင်းမြစ်များ

Taian Areru 74:4

A takaakaa n tokanikai am Kairiribai i nanon am Tembora; A katioi aia buraeki ikekei b'a kaotan aia tokanikai.

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.

Warekaia Iteraera 1:50

Ma kam na anganiia tabeia ae tararuaakin te Um'antabunrianna, ma b'aina nako, ao taiani b'ai n taromauri. A na katei auti n rianna ni katobibia te Um'antabunrianna.

Warekaia Iteraera 10:14

Ao a moan m'aati nako te baronga are Iuta ma baronga ake a katei auti n rianna i rarikiia, ma uotaia aia buraeki. Ao te tia kairiri i aon te baronga are Iuta bon Nation are natin Amminataba te mm'aane.

Warekaia Iteraera 10:18

Ao te kauoman ni m'aati nako, bon te baronga are Reuben ma baronga ake a katei auti n rianna i rarikiia, ma uotaia aia buraeki. Ao te tia kairiri n te baronga are Reuben bon Eritua are natin Tetura te mm'aane,

Warekaia Iteraera 10:22

A m'ananga i mwiina te baronga are Eberaim ma baronga ake a katei auti n rianna i rarikiia, ao uotaia aia buraeki. Te tia kairiri n te baronga are Eberaim bon Eritama are natin Ammiuta te mm'aane.

Warekaia Iteraera 10:25

Ao te baronga are Taan ma baronga ake a katei auti n rianna i rarikiia, boni ngaiia ake a na kamanoia Iteraera man buakanakiia i rouia aia kairiribai mai buki, ma ngaia are, a na m'aati n te kabanea, ao uotaia aia buraeki. Te tia kairiri n te baronga are Taan bon Aietera are natin Ammitiatai te mm'aane,

Warekaia Iteraera 2:1

Ao e tuangiia Moote ma Aaron te UEA

Warekaia Iteraera 2:10

Ao e na katei auti n rianna te baronga are Reuben, i maiakin te Um'antabunrianna i aan aia buraeki, n reitaki naba ma baronga ake a m'aati ma ngaiia.

Warekaia Iteraera 2:3

E na katei auti n rianna te baronga are Iuta, ma baronga ake a m'aati ma ngaiia i mainikun te Um'antabunrianna, i aan aia buraeki.

Warekaia Iteraera 24:2

ao e nooriia barongan Iteraera aika katei auti n rianna i nano. Ao e rina n niniaki iroun Tamnein te Atua

1.I-Korinto 14:33

B'a te Atua, tiaki Atuan te mwebuaka, ma bon Atuan te raoi. Ao n aron are b'ainaki n aia ekaretia Kristian ni kabaneia:

1.I-Korinto 14:40

Ma a na bane b'aai ni karaoaki n te aro ae tara raoi ma n eti raoi.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

Iotua 3:4

A na kaota te kawai nakoimi b'a kam aki ataa tabuaiakan te tabo aei. Ma kam na aki kaania te Atiniberita; taua raroami mai iai tao te itera ni maire.”